IND vs AUS : रवी शास्त्रींपासून दूर राहा, भारताच्या 'या' खेळाडूला दिला सल्ला

मेलबर्न, : भारताचे मुख्य प्रशिक्षक रवी शास्त्री यांच्यापासू दूर राहा, असा सल्ला भारताच्या एका खेळाडूला देण्यात आला आहे. हा सल्ला भारतीय चाहत्यांनी खेळाडूला दिला असून त्यामागे नेमकं कारण आहे तरी काय, जाणून घ्या.... भारताचा अष्टपैलू खेळाडू रवींद्र जडेजाला चाहत्यांना रवी शास्त्री यांच्यापासून दूर राहण्याचा सल्ला दिला आहे. जडेजाने काही दिवसांपूर्वी एक सोशल मीडियावर पोस्ट केली होती. या पोस्टमध्ये जडेजा हा कॉफी पित असल्याचे दिसत होते. या पोस्टखाली जडेजाने एक कमेंट केली होती. या कमेंटमध्ये जडेजाने लिहिले होते की, " कॉफी, कारण वाइन पिण्यासाठी ही वेळ फारच लवकर होईल." या कमेंटनंतर चाहत्यांनी जडेजाला शास्त्री यांच्यापासून लांब राहण्याचा सल्ला दिला आहे. त्याचबरोबर शास्त्री यांनी ज्या खेळाडूची स्तुती केली होती तो खेळाडू अपयशी ठरल्याचे पाहायला मिळत आहे. शास्त्री यांनी पहिला कसोटी सामना सुरु होण्यापूर्वी भारताचा युवा सलामीवीर पृथ्वी शॉ याची तुलना माजी महान क्रिकेटपटू सचिन तेंडुलकर, ब्रायन लारा आणि वीरेंद्र सेहवाग यांच्याशी केली होती. पण पहिल्या कसोटी सामन्यात पृथ्वी हा सपशेल अपयशी ठरला होता. पहिल्या कसोटी सामन्यात पृथ्वी फक्त सहा चेंडू खेळला होता आणि त्याला चारच धावा करता आल्या होत्या. त्यामुळे आता जडेजाला शास्त्री यांच्यापासून लांब राहण्याचा सल्ला देण्यात आला आहे. भारताचा अष्टपैलू खेळाडू रवींद्र जडेजा हा चांगल्या फॉर्मात होता. पण ऑस्ट्रेलियाविरुद्धच्या पहिल्या ट्वेन्टी सामन्यात त्याच्या डोक्याला गंभीर दुखापत झाली होती. त्यानंतर त्याच्या पायाचे स्नायूही दुखावले गेले होते. त्यामुळेच जडेजाला पहिल्या कसोटी सामन्यात स्थान देण्यात आले नव्हते. पण त्याची उणीव मात्र संघाला नक्कीच जाणवत होती. त्यामुळे आता जर दुसऱ्या कसोटी सामन्यात जर त्याला खेळवायचे असेल तर त्याच्या फिटनेस टेस्टचा निकाल काय येतो, हे पाहणे महत्वाचे ठरणार आहे. बीसीसीआयच्या एका अधिकाऱ्यांनी सांगितले की, " जर जडेजा गोलंदाजीचे मोठे स्पेल टाकण्यासाठी फिट असेल तर नक्कीच त्याचा भारतीय संघात समावेश करण्यात येईल. जडेजाला जर संघात खेळवायचे असेल तर कदाचित हनुमा विहारीला संघाबाहेर जावे लागेल. पण जडेजा संघात आला तर भारतीय संघाला यावेळी पाच गोलंदाजांचा पर्याय उपलब्ध होऊ शकतो. त्यामुळे जडेजा फिट असले तर नक्कीच त्याला संघात स्थान देण्यात येईल."

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ayO7x5