मुंबई: India vs Australia ऑस्ट्रेलिया दौऱ्यावर असलेल्या भारतीय संघ सध्या कसोटी मालिका खेळत आहे. चार सामन्यांपैकी पहिली एडिलेड येथील डे-नाइट कसोटीत भारताचा ८ विकेटनी पराभव झाला. आता दुसरी कसोटी २६ डिसेंबरपासून मेलबर्न क्रिकेट मैदानावर होणार आहे. या कसोटीला कसोटी असे देखील म्हटले जाते. आता सर्व सामान्य क्रिकेट चाहत्यांना हा प्रश्न पडणे स्वाभावीक आहे की कसोटी क्रिकेट तर ठिक आहे पण यातील बॉक्सिंगचा अर्थ काय. तर यातील बॉक्सिंगचा आणि बॉक्सिंग खेळाचा काहीही संबंध नाही. भारत आणि ऑस्ट्रेलिया यांच्यात होणाऱ्या बॉक्सिंग डे कसोटी निमित्ताने जाणून घेऊयात त्याचा अर्थ आणि इतिहास... वाचा- बॉक्सिंग डे कसोटी यातील बॉक्सिंग या शब्दचा अर्थ ख्रिसमस बॉक्सशी जोडला गेला आहे. जाणून घ्या बॉक्सिंग डेचा इतिहास... जगभरातील अनेक देशात ख्रिसमसच्या (२५ डिसेंबर) दुसऱ्या दिवस म्हणजे २६ डिसेंबरला बॉक्सिंग डे असे म्हटले जाते ख्रिसमस झाल्यानंतर दुसऱ्या दिवशी जेव्हा लोक मित्र आणि नातेवाइकांना भेटतात तेव्हा बॉक्समध्ये काही गिफ्ट करून देतात. ही परंपरा हजारो वर्षांपासून चालत आली आहे. एका मान्यतेनुसार या दिवसाचे नाव ख्रिसमस बॉक्सवरून दिले गेले. त्याच बरोबर ख्रिसमसच्या दिवशी ज्या कर्मचाऱ्यांना काम करावे लागते त्याचे मालक २६ डिसेंबर रोजी त्यांना भेटवस्तू देतात. यात भोजनाचा देखील समावेश असतो. वाचा- बॉक्सिंग डे शी जोडली केलेली आणखी एक थेअरी म्हणजे ख्रिसमसच्या वेळी चर्च मध्ये एक बॉक्स ठेवला जातो. ज्यात लोक गरजू लोकांसाठी दान करतात. चर्च मधील लोक दुसऱ्या दिवशी २६ डिसेंबरला तो बॉक्स उघडतात आणि गरजू लोकांमध्ये वाटतात. क्रिकेट आणि बॉक्सिंग डे अशा पद्धतीने जोडले गेले बॉक्सिंग डे हा गोष्ट तरी स्पष्ट झाली आता याचा आणि क्रिकेटचा कसा काय संबंध जोडला गेला. १८९२ साली मेलबर्न क्रिकेट मैदानावर शेफील्ड शील्डमध्ये एक सामना झाला. यात व्हिक्टोरिया आणि न्यू साउथ वेल्स यांच्यात ख्रिसमसच्या दरम्यान क्रिकेट सामना खेळवण्याची सुरूवात झाली. मेलबर्नमध्ये पहिला आंतरराष्ट्रीय कसोटी सामना १९५० मध्ये झाला. हा सामना ऑस्ट्रेलिया आणि इंग्लंड यांच्यात झाला. ती मॅच २२ डिसेंबर रोजी झाली होती. पण हळूहळू बॉक्सिंग डे क्रिकेटचा भाग झाला. वाचा- १९८०च्या आधी मेलबर्नमध्ये फक्त चार बॉक्सिंग डे सामने झाले होते. ते १९५२, १९६८, १९७४ आणि १९७५ झाले होते. त्या शिवाय एडिलेड येथे १९६७, १९७२ आणि १९७६ साली सामने झाले. १९७५ साली वेस्ट इंडिज आणि ऑस्ट्रेलिया यांच्यातील लढतीत लक्षात आले की बॉक्सिंग डे कसोटी मॅच मोठी होऊ शकते. ती मॅच पाहण्यासाठी ८५ हजार ५९६ प्रेक्षक आले होते. त्यानंतर बॉक्सिंग डे दिवशी कसोटी मॅच सुरू करण्याची परंपरा सुरू झाली. ऑस्ट्रेलियाने नियमीतपणे बॉक्सिंग डे कसोटीला सुरूवात केली... १९७५ नंतर ऑस्ट्रेलियाने पाच वर्षांनी मेलबर्न येथे बॉक्सिंग डे कसोटी मॅच खेळवण्यास सुरूवात केली त्यानंतर फक्त एकदा म्हणजे १९८९ साली मेलबर्न येथे कसोटी सामना झाला नाही. त्या वर्षी ऑस्ट्रेलिया आणि श्रीलंका यांच्यात वनडे मॅच झाली होती. आता फक्त ऑस्ट्रेलियाच नाही तर न्यूझीलंड आणि दक्षिण आफ्रिका देखील बॉक्सिंग डे मॅच भरवते. वाचा- 'बॉक्सिंग डे टेस्ट मॅच'ची सुरुवात इंग्लंड आणि दक्षिण आफ्रिका यांच्यात १९१३ मध्ये जोहान्सबर्ग येथे झाली होती. पण त्यानंतर दुसरा 'बॉक्सिंग डे' कसोटी सामना त्यानंतर ४८ वर्षांनी खेळवण्यात आला होता. कसोटी क्रिकेटच्या इतिहासात ऑस्ट्रेलियाने पहिला 'बॉक्सिंग डे' कसोटी सामना १९६८-६९मध्ये वेस्ट इंडिजविरुद्ध खेळला होता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3nHi1my
No comments:
Post a Comment