सिडनी, : ऑस्ट्रेलिविरुद्धच्या सामन्यात भारताने नाणेफेक जिंकल्यावर प्रथम गोलंदाजी करण्याचा निर्णय घेतला. भारतीय संघाने हा निर्णय का घेतला याचा खुलासा कर्णधार विराट कोहलीने आता केला आहे. भारतीय संघाने दोन्ही ट्वेन्टी-२० सामने जिंकत मालिकेत २-० अशी विजयी आघाडी घेतली आहे. पण भारतासाठी हा तिसरा ट्वेन्टी-२० सामनाही महत्वाचा आहे. कारण भारतीय संघाला हा सामना जिंकून ऑस्ट्रेलियाच्या संघाला ३-० अशी धुळ चारता येईल. त्यामुळे कोहलीने आजच्या सामन्यात संघात कोणताही बदल केला नाही आणि गेल्या सामन्याती विजयी संघच कायम ठेवला आहे. तिसऱ्या सामन्यात नाणेफेक जिंकल्यावर कोहली म्हणाला की, " सिडनीचे मैदान हे तुलनेने छोटे आहे. त्यामुळे सीमारेषा जवळ आहे. या मैदानातील गेल्या सामन्यात आम्ही चांगली कामगिरी केली होती. त्याचबरोबर हा सामना आम्ही धावांचा पाठलाग करताना जिंकलो होतो. त्यामुळे यावेळीही आम्ही नाणेफेक जिंकल्यावर प्रथम गोलंदाजी करून आव्हानाचा पाठलाग करण्याचे ठरवले आहे." कोहली पुढे म्हणाला की, " आम्ही सर्वच व्यावसायिक क्रिकेटपटू आहोत. त्यामुळे आम्हाला स्वत:ला पारखून घ्यायचे आहे. ट्वेन्टी-२० क्रिकेट मालिकेमुळे आम्हाला ही संधी मिळालेली आहे. त्यामुळे या संधीचा चांगला उपयोग कसा करता येईल, हे आम्ही ठरवले आहे. जेव्हा आम्ही प्रतिस्पर्धी संघापेक्षा जास्त आघाडीवर असतो, तेव्हा आमच्यासाठी ती चांगली गोष्ट असते. चांगल्या पद्धतीने क्रिकेट खेळू सामना कसा जिंकता येईल, याकडेच आमचा कल असतो." भारतीय संघात या तिसऱ्या सामन्यासाठी गोलंदाजांमध्ये मोठे बदल होऊ शकतात, असे वाटले होते. दुसऱ्या सामन्यात युजवेंद्र चहलची चांगलीच धुलाई झाली होती. चहलने चार षटकांमध्ये तब्बल ५१ धावा दिल्या होत्या. त्यामुळे त्याला तिसऱ्या ट्वेन्टी-२० सामन्यात डच्चू मिळेल, असे म्हटले जात होते. कारण दुसऱ्या बाजूने वॉशिंग्टन सुंदर चांगील गोलंदाजी करत आहे. त्याला चांगली साथ चहलला देता आलेली नाही. पण चहलला या सामन्यासाठी संघात कायम ठेवण्यात आले आहे. आतापर्यंतच्या ट्वेन्टी-२० सामन्यांमध्ये भारताचा युवा वेगवान गोलंदाज टी. नटराजनने नेत्रदीपक कामगिरी केली आहे. नटराजनने आपल्याला मिळालेल्या संधीचे सोने केले आहे. पण अजूनपर्यंत वेगवान गोलंदाज जसप्रीत बुमराला मात्र संघात स्थान देण्यात आलेले नाही. त्याचबरोबर दुसऱ्या सामन्यात वेगवान गोलंदाज मोहम्मद शमीलाही खेळवले नव्हते. त्यामुळे या सामन्याच या दोघांपैकी एका गोलंदाजाला संधी मिळण्याची दाट शक्यता वर्तवली जात होती. पण या भारतीय संघात एकही बदल करण्यात आलेला नाही. त्यामुळे दुसऱ्या सामन्यात जो संघ होता तोच कायम ठेवण्याचा निर्णय भारतीय संघाने यावेळी घेतला आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3qyyKu9
No comments:
Post a Comment