नवी दिल्ली : भारतातील शेतकऱ्यांना आता देशाबाहेरुनही चांगला पाठिंबा मिळत असल्याचे पाहायला मिळत आहे. कारण इंग्लंडच्या एका क्रिकेटपटूने या आंदोनलात उडी मारली आहे. त्याचबरोबर या क्रिकेटपटूने भारताचे पंतप्रधान नरेंद्र मोदी यांच्याकडे कृषी कायदा बदलण्याची मागणी केली आहे. पण मोदी यांनी हा कायदा बदलला नाही, तर काय केले जाईल, ही गोष्टही या क्रिकेटपटूने सांगितली आहे. या क्रिकेटपटूचा व्हिडीओ सध्याच्या घडीला जगभरात चांगलाच व्हायरल झालेला पाहायला मिळत आहे. इंग्लंडचा माजी क्रिकेटपटू माँटी पनेसारने आता शेतकऱ्यांच्या आंदोलनामध्ये सहभाग घेतला आहे. त्याचबरोबर पनेसारने एक व्हिडीओ बनवला असून त्याने पंतप्रधान नरेंद्र मोदी यांना टॅगही केलला आहे. या व्हिडीओमध्ये पनेसारने लिहिले आहे की, " आता तुम्हाला तुम्हीच घेतलेला निर्णय बदलण्याची वेळ आलेली आहे. देशातील शिख बांधव तुमच्याकडे त्यासाठी आले आहेत, जोपर्यंत तुम्ही हा निर्णय बदलत नाही तोपर्यंत ते तुमच्याकडे येतच राहतील." आज शेतकऱ्यांनी भारत बंदची हाक दिली होती. या शेतकऱ्यांच्या हाकेला चांगला प्रतिसाद मिळत आहे. भारताचा फिरकीपटू हरऊजन सिंगनेही या बंदला पाठिंबा देत एक ट्विट केले आहे. शेतकऱ्यांबाबत हरभजनने केलेले ट्विट आता चांगलेच व्हायरल झालेले पाहायला मिळत आहे. हरभजनने यावेळी शेतऱ्यांबाबत एक ट्विट केले आहे. या ट्विटमध्ये हरभजने लिहिले आहे की, " शेतकऱ्यांमुळेच भारत देश आहे." यानंतर हरभजनने भारताचा झेंडा पोस्ट केला आहे. हरभजनच्या या पोस्टला चाहत्यांनी चांगलाच पाठिंबा दिला आहे. त्यामुळे हरभजनचे हे ट्विट चांगलेच व्हायरल झालेले पाहायला मिळत आहे. कृषी कायद्यांविरोधात शेतकऱ्यांनी पुकारलेल्या भारत बंदमध्ये महाराष्ट्रातील अनेक शेतकरी संघटनांसह सत्ताधारी राजकीय पक्ष देखील सहभागी झाले आहेत. बंदला पहाटेपासूनच सुरुवात झाली आहे. या बंदलाच महाराष्ट्रासहीत संपूर्ण देशामध्ये चांगला पाठिंबा मिळत आहे. त्याचबरोबर सर्व सामान्य जनतेनेही शेतकऱ्यांच्या या बंदला चांगला पाठिंबा दिला आहे. करोनाकाळातही नव्या कृषी कायद्याविरोधात हरयाणा आणि पंजाबचे शेतकरी रस्त्यावर उतरले आहेत. या आंदोलनात सहभागी झालेल्या शेतकऱ्यांविरोधात 'बळाचा वापर' करण्याच्या भाजप सरकारचा निषेध करत आपले पुरस्कार परत करण्याचा निर्णय या खेळाडूंनी घेतला आहे. शेतकऱ्यांच्या या आंदोलनाला दिवसेंदिवस क्रीडा क्षेत्रातूनही चांगलाच पाठिंबा मिळत असल्याचे पाहायला मिळत आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2VTvUl2
No comments:
Post a Comment