सिडनी : भारत आणि ऑस्ट्रेलिया यांच्यातील तिसऱ्या ट्वेन्टी-२० सामन्यात एक मजेशीर घटना पाहायला मिळाली. कारण या सामन्यात भारताचा कर्णधार विराट कोहलीचा एक ड्युपलिकेट पाहायला मिळाला. या आपल्या ड्युप्लिकेटला पाहून विराट कोहलीने नेमके काय केले, हे एका व्हिडीओमध्ये टिपण्यात आले आहे. हा व्हिडीओ सध्याच्या घडीला चांगलाच व्हायरल झालेला पाहायला मिळत आहे. ऑस्ट्रेलिया फलंदाजी करत असताना युजवेंद्र चहल सातव्या षटकात गोलंदाजी करत होता. या सातव्या षटकातील दुसऱ्या चेंडूनंतर प्रेक्षकांमध्ये कॅमेरा फिरवण्यात आल्या. तेव्हा मैदानातील एक प्रेक्षक विराट कोहलीसारखाच दिसत होता. या प्रेक्षकाने भारतीय संघाची जर्सी घातली होती, त्याचबरोबर कोहलीसारखा गॉगलही लावला होता. त्यानंतर जेव्हा कोहलीवर कॅमेरा मारण्यात आला, तेव्हा नेमके काय घडले, पाहा... कोहलीसारख्याच दिसणाऱ्या व्यक्तीला पाहून सर्वांनाच आश्चर्य वाटत होते. त्यानंतर कोहलीवर जेव्हा कॅमेरा मारण्यात आला तेव्हा कोहलीदेखी चकित झालेला पाहायला मिळाला. कोहलीने काही काळ कॅमेराकडे पाहून आपली बोलकी प्रतिक्रीया दिली आणि तो मैदानातील सामना पाहू लागला. पण यावेळी चाहत्यांमध्ये एक धमाल उडाल्याचे पाहायला मिळाले. या सामन्यात भारताचा कर्णधार विराट कोहलीकडून एक मोठी चुक झाली आणि याचाच फटका संघाला बसल्याचे पाहायला मिळाले. ही गोष्ट ऑस्ट्रेलियाचा संघ फलंदाजी करत असताना ११व्या षटकात घडली. हे षटक युवा वेगवान गोलंदाज टी. नटराजन टाकत होता. या ११व्या षटकातील चौथ्या चेंडूवर नटराजनने ऑस्ट्रेलियाचा सलामीवीर मॅथ्यू वेडला पायचीत पकडले होते. त्यानंतर नटराजनने जोरदार अपील केली, पण मैदानावरील पंचांनी त्याला नाबाद ठरवले. त्यानंतर यष्टीरक्षक लोकेश राहुल हा डीआरएस घेण्यासाठी उत्सुक नव्हता. त्यामुळे सीमारेषेवर उभ्या असलेल्या कोहलीनेही यावेळी डीआरएसची मागणी केली नाही. डीआरएसच्या मागणीसाठी १५ सेकंदांचा कालावधी असतो. तो कालावधी निघून गेला आणि त्यानंतर कोहलीला आपली चूक समजली. थोड्याच वेळाने मैदानातील मोठ्या स्क्रीनवर या गोष्टीचा रिप्ले दाखवण्यात आला. त्यावेळी मॅथ्यू वेड आऊट असल्याचे दिसत होते. पण कोहलीने डीआरएसची मागणी केली नव्हती. पण जर कोहलीने डीआरएसची मागणी केली असती, तर मॅथ्यूची विकेट भारताला लवकर मिळू शकली असती. त्यानंतर मॅथ्यूने धडाकेबाज फटकेबाजी करत ८० धावांची खेळी साकारली. त्यामुळेच ऑस्ट्रेलियाला या सामन्यात १८६ धावा बनवता आल्या.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2K0hnBu
No comments:
Post a Comment