सिडनी : भारताला आजच्या तिसऱ्या ट्वेन्टी-२० सामन्यात पराभव पत्करावा लागला. पण या सामन्यात भारताचा कर्णधार विराट कोहलीकडून एक मोठी चुक झाली आणि याचाच फटका संघाला बसल्याचे पाहायला मिळाले. भारताच्या पराभवाचे हेदेखील एक मोठे कारण ठरले. ही गोष्ट ऑस्ट्रेलियाचा संघ फलंदाजी करत असताना ११व्या षटकात घडली. हे षटक युवा वेगवान गोलंदाज टी. नटराजन टाकत होता. या ११व्या षटकातील चौथ्या चेंडूवर नटराजनने ऑस्ट्रेलियाचा सलामीवीर मॅथ्यू वेडला पायचीत पकडले होते. त्यानंतर नटराजनने जोरदार अपील केली, पण मैदानावरील पंचांनी त्याला नाबाद ठरवले. त्यानंतर यष्टीरक्षक लोकेश राहुल हा डीआरएस घेण्यासाठी उत्सुक नव्हता. त्यामुळे सीमारेषेवर उभ्या असलेल्या कोहलीनेही यावेळी डीआरएसची मागणी केली नाही. डीआरएसच्या मागणीसाठी १५ सेकंदांचा कालावधी असतो. तो कालावधी निघून गेला आणि त्यानंतर कोहलीला आपली चूक समजली. थोड्याच वेळाने मैदानातील मोठ्या स्क्रीनवर या गोष्टीचा रिप्ले दाखवण्यात आला. त्यावेळी मॅथ्यू वेड आऊट असल्याचे दिसत होते. पण कोहलीने डीआरएसची मागणी केली नव्हती. पण जर कोहलीने डीआरएसची मागणी केली असती, तर मॅथ्यूची विकेट भारताला लवकर मिळू शकली असती. त्यानंतर मॅथ्यूने धडाकेबाज फटकेबाजी करत ८० धावांची खेळी साकारली. त्यामुळेच ऑस्ट्रेलियाला या सामन्यात १८६ धावा बनवता आल्या. मॅथ्यूची विकेट ही भारतासाठी सर्वात महत्वाची होती. कारण मॅथ्यू चांगलाच स्थिरस्थावर झाला होता आणि तो मोठे फटकेबाजी करत होता. पण त्याला बाद करण्याची संधी यावेळी कोहलीने गमावली. ऑस्ट्रेलियाविरुद्धच्या तिसऱ्या आणि अखेरच्या टी-२० सामन्यात भारताचा १२ धावांनी पराभव झाला. ऑस्ट्रेलियाने अखेरच्या लढतीत विजय मिळवला असला तरी भारताने मालिका २-१ने जिंकली आहे. ऑस्ट्रेलियाने प्रथम फलंदाजी करत भारतासमोर विजयासाठी १८७ धावांचे आव्हन दिले होते. भारताकडून कर्णधार विराट कोहलीने सर्वाधिक ८५ धावा केल्या. ऑस्ट्रेलिया दौऱ्यातील तीन पैकी पहिली वनडे मालिका ऑस्ट्रेलियाने २-१ अशी जिंकली आणि आज टी-२० मालिका भारताने २-१ अशी जिंकली आता दौऱ्याचा निकाल कसोटी मालिकेने होईल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3oBU2VA
No comments:
Post a Comment