सिडनी, : तिसऱ्या ट्वेन्टी-२० सामन्यात उद्या भारतीय संघ उतरेल तो ऑस्ट्रेलियाला ३-० अशी धुळ चारण्यासाठी. भारतीय संघाने रविवारी दुसरा ट्वेन्टी-२० सामना जिंकत मालिकेत २-० अशी विजयी आघाडी घेतली आहे. त्यामुळे आता तिसऱ्या सामन्यात भारतीय संघात महत्वाचे बदल होऊ शकतात, असे म्हटले जात आहे. तिसऱ्या सामन्यात भारताच्या गोलंदाजीमध्ये काही बदल पाहायला मिळू शकतात. आतापर्यंतच्या ट्वेन्टी-२० सामन्यांमध्ये भारताचा युवा वेगवान गोलंदाज टी. नटराजनने नेत्रदीपक कामगिरी केली आहे. नटराजनने आपल्याला मिळालेल्या संधीचे सोने केले आहे. पण अजूनपर्यंत वेगवान गोलंदाज जसप्रीत बुमराला मात्र संघात स्थान देण्यात आलेले नाही. त्याचबरोबर दुसऱ्या सामन्यात वेगवान गोलंदाज मोहम्मद शमीलाही खेळवले नव्हते. त्यामुळे या सामन्याच या दोघांपैकी एका गोलंदाजाला संधी मिळण्याची दाट शक्यता वर्तवली जात आहे. पण त्यासाठी दीपक चहर किंवा शार्दुल ठाकूर यांच्यापैकी एका गोलंदाजाला संघाबाहेर बसावे लागेल. गेल्या सामन्यात चहरने जास्त धावा दिल्याचे पाहायला मिळाले होते. चहरने चार षटकांमध्ये ४८ धावा दिल्या होत्या. त्यामुळे तिसऱ्या सामन्यात चहरला संघाबाहेर बसावे लागेल, असे दिसत आहे. दुसऱ्या सामन्यात युजवेंद्र चहलची चांगलीच धुलाई झाली होती. चहलने चार षटकांमध्ये तब्बल ५१ धावा दिल्या होत्या. त्यामुळे त्याला तिसऱ्या ट्वेन्टी-२० सामन्यात डच्चू मिळेल, असे जात आहे. कारण दुसऱ्या बाजूने वॉशिंग्टन सुंदर चांगील गोलंदाजी करत आहे. त्याला चांगली साथ चहलला देता आलेली नाही. त्यामुळे चहलच्याजागी दुसऱ्या फिरकीपटूला संघात स्थान देण्याची दाट शक्यता आहे. भारताच्या फलंदाजीमध्ये मोठे बदल होतील, असे वाटत नाही. कारण लोकेश राहुल आणि शिखर धवन चांगल्या फॉर्ममध्ये आहेत. हार्दिक पंड्या हा सातत्याने चांगली फलंदाजी करत आहे. पण संजू सॅमसनला मात्र अजूनही चांगली लय सापडलेली नाही. त्यामुळे या सामन्यात कदाचित संजूला वगळून मनीष पांडेला संघात स्थान देण्यात येऊ शकते. मनीषला पहिल्या ट्वेन्टी-२० सामन्यात संधी दिली होती. पण तो चांगली फलंदाजी करण्यात अपयशी ठरला होता. त्यामुळे दुसऱ्या सामन्यात मनीषला संघातून डच्चू दिला होता आणि श्रेयस अय्यरला संधी देण्यात आली होती.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/39St203
No comments:
Post a Comment