सिडनी : भारताचा अष्टपैलू खेळाडू रवींद्र जडेजाला दुखापत झाली होती. त्यामुळेच त्याला ट्वेन्टी-२० मालिकेतून बाहेर पडावे लागले होते. आता जडेजाच्या दुखापतीबाबत नवीन अपडेट आली आहे आणि भारतीय संघाला आता अजून एक मोठा धक्का बसला आहे. जडेजाची दुखापत ही गंभीर स्वरुपाची आहे आणि तो या दुखापतीमधून अजूनही फिट झालेला नाही. जडेजाला अजून किमान तीन आठवडे तरी या दुखापतीतून बाहेर पडता येणार नाही. त्यामुळे जडेजाला पहिल्या कसोटी सामन्यात खेळता येणार नाही, असे चित्र सध्याच्या घडीला दिसत आहे. त्यामुळे भारतीय संघासाठी हा मोठा धक्का बसला आहे. जडेजाला तीन आठवड्यांची विश्रांती देण्यात आली आहे. पण या तीन आठवड्यांनंतरही जर जडेजा फिट होऊ शकला नाही, तर त्याला दुसऱ्या कसोटी सामन्यालाही मुकावे लागू शकते. त्यामुळे आता जडेजा नेमका कधी या दुखापतीतून बाहेर येऊ शकतो, याकडे भारतीय संघाबरोबरच चाहत्यांचेही लक्ष आहे. पहिल्या ट्वेन्टी-२० सामन्यात नाबाद ४४ धावांची धडाकेबाज खेळी साकारणाऱ्या रवींद्र जडेजाला दुखापत झाली होती. जडेजाच्या पायांचे स्नायू दुखावले होते. ही दुखापत गंभीर स्वरुपाची असल्यामुळे तो या सामन्यात गोलंदाजी करू शकत नव्हता. जडेजाच्या जागी चहलला भारतीय संघात स्थान देण्यात आले आणि त्याने गोलंदाजीही केली. पण त्यानंतर चहल भारतीय संघात आहे. पण दुसऱ्या सामन्यात युजवेंद्र चहलची चांगलीच धुलाई झाली होती. चहलने चार षटकांमध्ये तब्बल ५१ धावा दिल्या होत्या. त्यामुळे त्याला तिसऱ्या ट्वेन्टी-२० सामन्यात डच्चू मिळेल, असे जात आहे. कारण दुसऱ्या बाजूने वॉशिंग्टन सुंदर चांगील गोलंदाजी करत आहे. त्याला चांगली साथ चहलला देता आलेली नाही. त्यामुळे चहलच्याजागी दुसऱ्या फिरकीपटूला संघात स्थान देण्याची दाट शक्यता आहे. सध्याच्या घडीला भारतीय संघाला फिरकीपटूंची उणीव जाणवत आहे. कारण वॉशिंग्टन सुंदर चांगली गोलंदाजी करत असला तरी त्याला चांगली साथ मिळताना पाहायला मिळालेली नाही. त्यामुळे जडेजानंतर भारतीय संघात दुसरा कोणता फिरकीपटू येऊ शकतो, याची उत्सुकता चाहत्यांना नक्कीच असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/39PZkIX
No comments:
Post a Comment