सिडनी, : भारताचा माजी धडाकेबाज सलामीवीर वीरेंद्र सेहवागने कर्णधार विराट कोहलीवर जोरदार टीका केली आहे. भारतीय संघात कोहलीसाठी वेगळे नियम का, असा सवाल त्याने यावेळी उपस्थित केला आहे. सेहवाग म्हणाला की, " भारतीय संघात सर्व खेळाडूंसाठी सारखेच नियम असायला हवेत. पण सध्याच्या घडीला मात्र तसे दिसत नाही. कारण कर्णधार विराट कोहलीसाठी मात्र वेगळेच नियम लागू पडत असल्याचे पाहायला मिळत आहे. विराटच्या फलंदाजी क्रमवारीत कोणतेही बदल पाहायला मिळत नाहीत. त्याचबरोबर विराट जर फॉर्मात नसेल तर त्याला विश्रांती देण्यात येत नाही. ही गोष्ट चुकीची आहे, असे मला तरी वाटते." पहिल्या ट्वेन्टी-२० सामन्यात भारतीय संघात मोठे बदल करण्यात आले होते. या सामन्यात श्रेयस अय्यरला डच्चू देण्यात आला होता. श्रेयस सध्या जास्त धावा करत नाही, त्यामुळे त्याला वगळण्यात आले असावे. त्याचबरोबर सलामीवीर मयांक अगरवाललाही चांगली फलंदाजी करत नसल्यामुळे त्याला पहिल्या ट्वेन्टी-२० सामन्यात संधी दिली नसावी. पण दुसरीकडे विराटलाही आतापर्यंत मोठी खेळी साकारता आलेली नाही आणि कामगिरीत सातत्य ठेवता आलेले नाही. त्यामुळे कोहलीला संघात स्थान कसे मिळते, यावर सेहवागने बोट ठेवले आहे. पहिल्या ट्वेन्टी-२० सामन्यात मनीष पांडेला भारतीय संघाने संधी दिली होती. पण या सामन्यात तो सपशेल अपयशी ठरला होता. त्यामुळे दुसऱ्या ट्वेन्टी-२० सामन्यात मनीषला संघातून डच्चू देण्यात येऊ शकतो. कारण पहिल्या ट्वेन्टी-२० सामन्यात श्रेयस अय्यरला बाहेर ठेवण्यात आले होते. त्यामुळे या सामन्यात श्रेयसला संघात स्थान देण्यात येऊ शकते. कारण आयपीएलमध्येही श्रेयसने चांगली कामगिरी केली होती. त्यामुळे त्याला दुसऱ्या ट्वेन्टी-२० सामन्यात संधी मिळू शकते. पहिल्या ट्वेन्टी-२० सामन्यात फलंदाजी करताना जडेजाच्या पायांचे स्नायू दुखावले होते. ही दुखापत गंभीर स्वरुपाची असल्यामुळे तो या सामन्यात गोलंदाजी करू शकत नव्हता. जडेजाच्या जागी चहलला भारतीय संघात स्थान देण्यात आले आणि त्याने गोलंदाजीही केली. पण आता आगामी दोन सामन्यांसाठी संघात मुंबईकर युवा गोलंदाज शार्दुल ठाकूरची एंट्री झाली आहे. शार्दुलने तिसऱ्या एकदिवसीय सामन्यात गोलंदाजी केली होती. या सामन्यात संधीचे सोने करत त्याने तीन विकेट्स मिळवल्या होत्या आणि तो मॅचविनर ठरला होता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3mMIzlB
No comments:
Post a Comment