नवी दिल्ली : युवराज सिंगचे वडिल आणि भारताचे माजी क्रिकेटपटू योगराज यांनी शेतकऱ्यांच्या आंदोलनात हिंदूंवर जहरी टीका केली आहे. हे हिंदू गद्दार आहेत, असे समाजामध्ये फूट पाडणारे वक्तव्य योगराज यांनी केले आहे. योगराज यांच्या या भाषणाचा व्हिडीओ चांगलाच व्हायरल झाला आहे. हे हिंदू गद्दार आहेत, शंभर वर्षे त्यांनी मुघलांची गुलामी केली, असे भडक विधान योगराज यांनी आपल्या भाषणामध्ये केले होते. त्यानंतर त्यांच्यावर जोरदार टीका व्हायला सुरुवात झाली आहे. त्याचबरोबर योगराज यांना अटक करावी, अशी मागणीही आता जोर धरू लागली आहे. त्यामुळे आता योगराज सिंग यांना सरकार अटक करणार का, याकडे सर्वांचे लक्ष लागलेले आहे. योगराज यांचे भाषण दोन समाजांमध्ये तेढ निर्माण करणारे आहे. या आंदोलनामध्ये भडकावू भाषण करून योगराज यांना आपल्याकडे सर्वांचे लक्ष वेधून घ्यायचे आहे, अशी टीका त्यांच्यावर होत आहे. त्याचबरोबर कोणी कितीही प्रयत्न केला तरी या दोन समाजांना कोणीही वेगळे करू शकत नाही, असा सूर सोशल मीडियावर योगराज यांच्या भाषणानंतर पाहायला मिळत आहे. यानंतर योगराज यांच्या अटकेची मागणीही जोर धरू लागली आहे. करोनाकाळातही नव्या कृषी कायद्याविरोधात हरयाणा आणि पंजाबचे शेतकरी रस्त्यावर उतरले आहेत. या आंदोलनात सहभागी झालेल्या शेतकऱ्यांविरोधात 'बळाचा वापर' करण्याच्या भाजप सरकारचा निषेध करत आपले पुरस्कार परत करण्याचा निर्णय या खेळाडूंनी घेतला आहे. शेतकऱ्यांच्या या आंदोलनाला दिवसेंदिवस क्रीडा क्षेत्रातूनही चांगलाच पाठिंबा मिळत असल्याचे पाहायला मिळत आहे. पद्मश्री आणि अर्जुन पुरस्कार सन्मानित अनेक माजी खेळाडूंनी कृषी कायद्याविरोधात आंदोलन करणाऱ्या शेतकऱ्यांचं समर्थन केले आहे. केंद्र सरकारनं नवीन कृषी कायदा रद्द करावा किंवा किमान हमीभावाची तरतुदी कायद्यात करावी, अशी मागणी शेतकऱ्यांकडून केली जात आहे. त्यामुळे सरकारच्या विरोधानंतर हे आंदोनल चिघळलेले आहे. त्याचबरोबर शेतकऱ्यांना पाठिंबा देण्यासाठी आता क्रीडापटूही पुढे सरसावलेले पाहायला मिळत आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3mXKeVT
No comments:
Post a Comment