सिडनी : भारतीय संघ सध्याच्या घडीला धमाकेदार कामगिरी करत आहे. भारताने ऑस्ट्रेलियाविरुद्धची ट्वेन्टी-२० मालिका जिंकलेली आहे. या विजयासह भारतीय संघाने पाकिस्तानला मागे टाकत एक नवा विक्रम नोंदवल्याचे पाहायला मिळत आहे. पण भारताला अजून एक विक्रम खुणावत आहे. भारतीय संघाने आतापर्यंत सलग ११ ट्वेन्टी-२० सामन्यांमध्ये विजय मिळवला आहे. ही सुरुवात डिसेंबर २०१९ पासून झाली आहे. भारताने डिसेंबरमध्ये वेस्ट इंडिजच्या संघाला मुंबईत पराभूत केले होते. त्यापासून भारताच्या विजयाची ही मालिका सुरु झाली होती. त्यानंतर भारतीय संघ श्रीलंकेबरोबर आपल्या घरच्या मैदानात ट्वेन्टी-२० मालिका खेळला होता. या मालिकेतील पहिला सामना गुवाहाटी येथे होणार होता, पण पावसामुळए हा सामना रद्द करावा लागला होता. त्यानंतर भारत आणि श्रीलंका यांच्यामध्ये इंदुर आणि पुणे येथे दोन ट्वेन्टी-२० सामने झाले होते. या दोन्ही सामन्यांमध्ये भारताने विजय मिळवला होता. भारतीय संघ यानंतर न्यूझीलंडच्या दौऱ्यावर गेला होता. या दौऱ्यामध्ये भारत आणि न्यूझीलंड यांच्यामध्ये पाच ट्वेन्टी-२० सामन्यांची मालिका खेळवण्यात आली होती. या मालिकेत भारताने ५-० असा दमदार विजय मिळवला होता. त्यावेळी भारतीय संघाने सलग आठ विजय मिळवले होते. त्यानंतर भारतीय संघाने कॅनबेरा येथे पहिला ट्वेन्टी-२० सामना खेळला होता. या सामन्यात भारताने सलग नवव्या विजयाची नोंद केली होती आणि पाकिस्तानबरोबर बरोबरी केली होती. त्यानंतर भारतीय संघाने सिडनी येथील ट्वेन्टी-२० सामना जिंकला. भारताचा हा सलग १०वा विजय होता आणि भारताने पाकिस्तानला या विक्रमाच्या बाबतीत पिछाडीवर टाकले होते. पण भारतीय संघाला अजूनही एक विक्रम खुणावत आहे. भारतापुढे आता आव्हान असेल ते अफगाणिस्थानचे. कारण अफगाणिस्थाने आतापर्यंत सलग ११ विजय मिळवले आहे. त्यामुळे भारतीय संघाने जर तिसऱ्या ट्वेन्टी-२० सामन्यात विजय मिळवला तर त्यांचे सलग ११ विजय होतील आणि ते अफगाणिस्थानशी बरोबरी करु शकतील. याआधी २०१६ साली भारताने ऑस्ट्रेलियाचा पराभव केला होता. त्यानंतर भारताला ट्वेन्टी-२० सामन्यात एकही पराभव पत्करावा लागला नाही.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2IoYnME
No comments:
Post a Comment