सिडनी : भारताचा धडाकेबाज फलंदाज रोहित शर्मा हा दुखापतीमुळे ऑस्ट्रेलियाच्या दौऱ्यावर जाऊ शकला नाही. सध्याच रोहित हा आपल्या फिटनेसवर लक्ष देत आहे. पण त्याचबरोबर रोहित अजून एक चांगली गोष्ट करत असल्याचे पाहायला मिळाले आहे. रोहितचा नवीन फोटो चांगलाच व्हायरल झालेला पाहायला मिळत आहे. रोहित हा सध्याच्या घडीला बंगळुरुतील राष्ट्रीय क्रिकेट अकादमीमध्ये आपल्या फिटनेसवर जास्त लक्ष देत आहे. रोहितची फिटनेस चाचणी ११ डिसेंबरला होणार आहे. या चाचणीत रोहित जर पास झाला तरच त्याला ऑस्ट्रेलियाच्या दौऱ्यावर जाता येणार आहे. रोहित दुखापतीबरोबरच वजन कमी करण्याकडे लक्ष देत असल्याचे टाइम्स ऑफ इंडियाने आपल्या वृत्तामध्ये म्हटले आहे. वजन कमी केल्याचा रोहितला काय होऊ शकतो फायदा, पाहा... लॉकडाऊननंतर रोहित पहिल्यांदा आयपीएलमध्ये दिसला होता. त्यावेळी रोहितचे पोट सुटलेले पाहायला मिळाले होते. त्यानंतर रोहितला दुखापत झाली आणि त्याला ऑस्ट्रेलियाच्या दौऱ्यावर जाता आले नाही. पण सध्या रोहित आपले वजन कमी करत आहे. वजन कमी केले आणि ते योग्य ठेवले तर दुखापतींपासून त्याला वाचता येऊ शकते. त्यामुळे वजन कमी करून दुखापतींपासून कसे लांब राहता येईल, याकडे रोहित सध्याच्या घडीला लक्ष देत असल्याचे पाहायला मिळत आहे. त्याचबरोबर रोहित आपल्या फिटेसवरही लक्ष देत आहे. रोहितने आपल्या इंस्टाग्रावर एक पोस्ट टाकली आहे. या पोस्टमध्ये रोहितने आपला नवीन फोटो अपलोड केला आहे. या फोटोमध्ये रोहितमध्ये बराच फरक झाल्याचे पाहायला मिळत आहे. रोहितचा हा फोटो चांगलाच व्हायरल झाला असून चाहत्यांनाही रोहितच्या या नवीन लूकला पसंती दिली आहे. त्याचबरोबर रोहित आता कधी मैदानात उतरणार आणि त्याचा खेळ कधी पाहायला मिळणार, याची उत्सुकता चाहत्यांना आहे. रोहित जर फिटनेस टेस्टमध्ये पास झाला आणि त्यानंतर जर त्याचा ऑस्ट्रेलियातील क्वारंटाइनचा कालावधी कमी केला तर रोहित दुसऱ्या कसोटी सामन्यात खेळताना पाहायला मिळू शकतो, असे म्हटले जात आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3gij2hZ
No comments:
Post a Comment