सिडनी, : दुसऱ्या ट्वेन्टी-२० सामन्यात ऑस्ट्रेलियाला मोठा धक्का बसू शकतो, असे म्हटले जात आहे. त्यामुळे आता मालिका गमावण्याचे संकट त्यांच्यावर आले आहे. कारण संघातील दुखापती वाढल्या असून एक महत्वाचा खेळाडू दुखापतग्रस्त झाला आहे. ऑस्ट्रेलियाचा कर्णधार आरोन फिंचला भारताविरुद्धच्या पहिल्या ट्वेन्टी-२० सामन्यात दुखापत झालेली आहे. त्यामुळे दुसऱ्या सामन्यात तो खेळणार की नाही, याबाबतचा निर्णय उद्याच घेण्यात येणार आहे. डेव्हिड वॉर्नरला यापूर्वीच दुखापत झाली असून तो या मालिकेत खेळणार नाही. त्यामुळे आता फॉर्मात असलेला फिंच जर खेळणार नसेल तर ऑस्ट्रेलियाची फलंदाजी कमकुवत होऊ शकते. त्यामुळे ऑस्ट्रेलियावर आता मालिका पराभवाचे संकट ओढावले आहे. फिंच नसल्यावर कोणाला मिळणार कर्णधारपद फिंच हा ऑस्ट्रेलियाचा कर्णधार आहे. त्यामुळे उद्याच्या सामन्यात जर फिंच खेळला नाही तर कर्णधारपद कोणाकडे द्यायचे, हा प्रश्न ऑस्ट्रेलियाच्या संघापुढे असेल. पण फिंच जर खेळणार नसेल तर स्टीव्हन स्मिथकडे ऑस्ट्रेलियाच्या संघाचे नेतृत्व जाऊ शकते, असे म्हटले जात आहे. कारण यापूर्वी स्मिथने ऑस्ट्रेलियाच्या संघाचे कर्णधारपद भूषवले आहे. त्याचबरोबर सध्याच्या घडीला ऑस्ट्रेलियाचा संघ या मालिकेत अडचणीत आहे. त्यामुळे त्यांच्यासाठी दुसरा सामना जिंकणे, महत्वाचे असेल. कारण हा सामना जिंकला तर ऑस्ट्रेलियाच्या संघाला मालिका गमवावी लागणार आहे. त्यामुळे या सामन्यात फिंच खेळणार नसेल तर अनुभवी स्मिथकडे संघाचे नेतृत्व सोपवण्यात येऊ शकते. पहिल्या ट्वेन्टी-२० सामन्यात भारतीय संघाने दमदार विजय मिळवला. या विजयासह भारताने ट्वेन्टी-२० मालिकेत १-० अशी आघाडी घेतली आहे. त्यामुळे आता दुसऱ्या ट्वेन्टी-२० सामन्यात भारतीय संघ कशी कामगिरी करतो, यावर सर्वांचे लक्ष असेल. त्याचबरोबर दुसरीकडे ऑस्ट्रेलियाच्या संघासाठी हा निर्णायक सामना असेल. कारण या सामन्यात त्यांना पराभव पत्करावा लागला तर या मालिकेतील त्यांचे आव्हान संपुष्टात येऊ शकते. त्यामुळे या सामन्यात नेमका कोणता संघ बाजी मारतो, याकडे सर्वांचे लक्ष असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ga9Ax2
No comments:
Post a Comment