सिडनी, : भारत आणि ऑस्ट्रेलिया यांच्यामध्ये दुसरा ट्वेन्टी-२० सामना हा उद्या रविवारी होणार आहे. या सामन्यात भारतीय संघात तीन बदल होऊ शकतात. कारण हा सामना भारतासाठी महत्वाचा असेल. कारण या सामन्यात जर भारताने विजय मिळवला तर त्यांना ट्वेन्टी-२० मालिका जिंकता येऊ शकते. दुसऱ्या ट्वेन्टी-२० सामन्यात भारतीय संघात दोन बदल होऊ शकतात. कारण अष्टपैलू खेळाडू रवींद्र जडेजा हा दुखापतीमुळे या सामन्यात खेळणार नाही. जडेजाच्या जागी पहिल्या ट्वेन्टी-२० सामन्यात संघात युजवेंद्र चहलला संधी देण्यात आली होती. चहलने या संधीचे सोने करत तीन महत्वाच्या विकेट्सही मिळवल्या होत्या. पण जडेजाच्या जागी संघात वेगवान गोलंदाज शार्दुल ठाकूरला संधी देण्यात आली आहे. त्यामुळे दुसऱ्या सामन्यात जडेजाच्या जागी चहलला संधी द्यायची की शार्दुलला, याचा विचार भारतीय संघाला करावा लागणार आहे. पहिल्या ट्वेन्टी-२० सामन्यात मनीष पांडेला भारतीय संघाने संधी दिली होती. पण या सामन्यात तो सपशेल अपयशी ठरला होता. त्यामुळे दुसऱ्या ट्वेन्टी-२० सामन्यात मनीषला संघातून डच्चू देण्यात येऊ शकतो. कारण पहिल्या ट्वेन्टी-२० सामन्यात श्रेयस अय्यरला बाहेर ठेवण्यात आले होते. त्यामुळे या सामन्यात श्रेयसला संघात स्थान देण्यात येऊ शकते. कारण आयपीएलमध्येही श्रेयसने चांगली कामगिरी केली होती. त्यामुळे त्याला दुसऱ्या ट्वेन्टी-२० सामन्यात संधी मिळू शकते. पहिल्या ट्वेन्टी-२० सामन्यात भारताचा वेगवान गोलंदाज जसप्रीत बुमराला संधी देण्यात आली नव्हती. पण भारतीय संघात युवा वेगवान गोलंदाज टी. नटराजनला संधी देण्यात आली होती. या सामन्यात नटराजनने तीन विकेट्स घेत दमदार कामगिरी केली होती. त्यामुळे दुसऱ्या ट्वेन्टी-२० सामन्यात भारतीय संघात बुमराला संधी देण्यात येईल का, याबाबत थोडी साशंकता आहे.दुसऱ्या ट्वेन्टी-२० सामन्यात भारतीय संघात कदाचित मोहम्मद शमीच्या जागी बुमराला संधी देण्यात येऊ शकते. कारण या मालिकेतील वर्कलोड पाहता शमी थोडी विश्रांती देण्यात येऊ शकते. त्यामुळे दुसऱ्या ट्वेन्टी-२० सामन्यात भारतीय संघात हा तिसरा बदल होऊ शकतो, असे म्हटले जात आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2JUIXAg
No comments:
Post a Comment