नवी दिल्ली: यजमान दक्षिण आफ्रिका आणि इंग्लंड यांच्यातील वनडे मालिकेतील पहिला सामना चार डिसेंबर रोजी होणार होता. पण करोना व्हायरसचे एक रुग्ण आढळल्याने सामना स्थगित करण्यात आला होता. हा सामना आज म्हणजे ६ डिसेंबर रोजी केपटाउन ऐवजी पार्ल येथे होणार होता. पण सामन्याच्या आधी एक धक्कादायक बातमी आली आणि पहिली वनडे पुन्हा रद्द करण्यात आली. दक्षिण आफ्रिका आणि इंग्लंडचा संघ ज्या हॉटेलमध्ये थांबला होता तेथील दोन कर्मचाऱ्यांना करोना झाला. यामुळे इंग्लंड आणि वेल्स क्रिकेट बोर्ड तसेच क्रिकेट दक्षिण आफ्रिकाने आज होणारा वनडे थोड्या वेळाने खेळवली जावी. पण त्यानंतर ही मॅचच रद्द करण्यात आली. इसीबी आणि सीएसए या दोन्ही क्रिकेट बोर्डांनी मिळून सामना रद्द करण्याचा निर्णय घेतला. वाचा- हॉटेलमधील दोन कर्मचाऱ्यांची करोना चाचणी पॉझिटिव्ह आली. त्याआधी इंग्लंडचे खेळाडू आणि अन्य कर्मचारी यांची शनिवारी रात्री पीसीआर टेस्ट झाली होती. ज्याचा निकाल अद्याप आलेला नाही. इसीबीला त्या चाचणीच्या निकालाची प्रतिक्षा आहे. त्यामुळेच आजची मॅच उशिरा सुरू करण्याचा निर्णय घेतला होता. पण नंतर सामना रद्द करण्यात आला. दक्षिण आप्रिका आणि इंग्लंड यांच्यातील संपूर्ण मालिकेत करोना व्हायरसची चर्चा आहे. टी-२० मालिकेआधी आफ्रिकेच्या संघातील काही खेळाडूंना करोनाची लागण झाल्याचे समोर आले होते. पण त्यानंतर देखील मालिका खेळवण्यात आली होती. इंग्लंडने तेव्हा ३-० असा विजय मिळवला. त्यानंतर वनडे मालिकेच्या आधी दोन्ही संघातील एक सदस्याला करोनाची लागण झाल्याचे समोर आले. त्यामुळे केपटाउन येथील वनडे स्थगित करण्यात आली. आता पुन्हा करोनामुळे सामनाच रद्द करण्याची वेळ आली.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/33Ltxp2
No comments:
Post a Comment