सिडनी: अखेरच्या दोन षटकात हार्दिक पंड्याने केलेल्या स्फोटक फलंदाजीच्या जोरावर भारताने ऑस्ट्रेलियाविरुद्धच्या दुसऱ्या टी-२० सामन्यात धमाकेदार विजय मिळवला. ऑस्ट्रेलियाने विजयासाठी भारता समोर १९५ धावांचे आव्हान दिले होते. भारताला विजयासाठी अखेरच्या षटकात १४ धावांची गरज होती. हार्दिकने अखेरच्या ओव्हरमध्ये दोन षटकार मारत विजय मिळून दिला. या विजयासह भारताने ३ सामन्यांची टी-३० मालिका २-० अशी जिंकली. भारतीय संघाचा टी-२० क्रिकेटमधील हा सलग दहावा विजय आहे. याबाबत त्यांनी पाकिस्तानला मागे टाकले. आता भारतापुढे अफगाणिस्तान आहे त्यांनी सलग ११ आणि १२ विजय मिळवले आहेत. इतक नव्हे तर भारताने ऑस्ट्रेलियाला पुन्हा त्यांच्या देशात पुन्हा एकदा पराभूत केले. याआधी २०१६ साली भारताने ऑस्ट्रेलियाचा पराभव केला होता. ऑस्ट्रेलियाने विजयासाठी दिलेल्या १९५ धावांचा पाठलाग करताना भारताच्या शिखर धवन आणि केएल राहुल यांनी चांगली सुरूवात करून दिली. या दोघांनी पहिल्या विकेटसाठी ५६ धावा केल्या. केएल राहुल ३० धावांवर बाद झाला आणि भारताला पहिला धक्का बसला. त्यानंतर आलेल्या विराट कोहलीने धवन सोबत संघाला १२० पर्यंत मजल मारून दिली. धवनने अर्धशतक पूर्ण केले आणि तो बाद झाला. त्याने ३६ चेंडूत ५२ धावा केल्या. वाचा- धवनच्या जागावर आलेल्या संजू सॅमसनने १० चेंडूत १५ धावा केल्या आणि तो बाद झाला. त्यानंतर विराटने धावांचा वेग वाढवण्याचा प्रयत्न केला. पण ४० धावांवर माघारी परतला. त्याने २४ चेंडूत २ चौकार आणि २ षटकार मारले. भारताला अखेरच्या ३ षटकात विजयासाठी ३७ धावा, दोन षटकात २५ धावांची गरज होती. तर अखेरच्या षटकात १४ धावांची गरज होती. पंड्याने दोन षटकार मारत विजय साकारला. भारताकडून हार्दिकने २२ चेंडूत २ षटकार आणि ३ चौकारांसह नाबाद ४२ तर श्रेयस अय्यरने ५ चेंडूत १ षटकार आणि १ चौकारांसह नाबाद १२ धावा केल्या. वाचा- त्याआधी भारताचा कर्णधार विराट कोहलीने नाणेफेक जिंकून प्रथम गोलंदाजी करण्याचा निर्णय घेतला. ऑस्ट्रेलिया आणि भारत या दोन्ही संघात आज प्रत्येकी तीन बदल करण्यात आले. ऑस्ट्रेलियाचा कर्णधार एरॉन फिंचच्या ऐवजी मॅथ्यू वेड संघाचे नेतृत्व करत होता. तर भारतीय संघात मोहम्मद शमीच्या जागी शार्दुल ठाकूर, मनिष पांडेच्या जागी श्रेयस अय्यर आणि रविंद्र जडेजाच्या जागी युजवेंद्र चहलला संधी देण्यात आली. वेड आणि डार्सी शॉर्टने संघाला चांगली सुरुवात करून दिली. ही जोडी धोकादायक ठरत असताना टी नटराजनने शॉर्टला ९ धावांवर माघारी पाठवले. पण दुसऱ्या बाजूने वेडने धमाकेदार फलंदाजी सुरू ठेवली होती. त्याने २५ चेंडूत अर्धशतक केले. वाचा- वॉशिंग्टन सुंदरच्या आठव्या षटकात वेडने मारलेला चेंडू विराटकडे कॅच आला होता. पण त्याने तो सोडला. याच चेंडूवर धाव घेण्याचा प्रयत्न करताना तो धावबाद झाला. त्याच्या जागी आलेल्या मॅक्सवेलने आक्रमक फलंदाजी केली. पण धावांचा वेग वाढवण्याच्या प्रयत्नात तो बाद झाला. शार्दुल ठाकूरने त्याची विकेट घेतली. वनडेत भारतीय गोलंदाजांची धुलाई करणाऱ्या स्मिथने आज आक्रमक फलंदाजी केली. चहलने १८व्या षटकात त्याला ४७ धावांवर बाद केले. १९व्या षटकात नटराजनने हेनरिकेसची विकेट घेत ऑस्ट्रेलियाला पाचवा धक्का दिला. भारताकडून टी नटराजनने सर्वाधिक २ विकेट घेतल्या. तर चहल आणि ठाकूरने प्रत्येकी १ विकेट घेतली.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3giE8wp
No comments:
Post a Comment