नवी दिल्ली : पाकिस्तानचा माजी कर्णधार शाहिद आफ्रिदीने काही दिवसांपूर्वी मैदानात चांगलाच राडा घातला होता. पण आता एका युवा गोलंदाजाने आफ्रिदीवर जहरी टीक केली आहे. विशेष म्हणजे या सामन्यात आफ्रिदीला भोपळाही फोडता आला नव्हता. आफ्रिदी हा एक खेळाडू आहे आणि त्याने खेळभावनेतून सर्वांचा सन्मान करावा, असे टीका या युवा खेळाडूने केली आहे. लंका प्रीमिअर लीगमध्ये एका सामन्यानंतर अफगाणिस्तानचा २१ वर्षाचा खेळाडू नवीन उल हकला आफ्रीदीने मैदानावर धमकी दिली. एका पाकिस्तानी पत्रकाराने दिलेल्या माहितीनुसार मैदानात दोघांमध्ये वाद सुरू असताना आफ्रीदी त्याला म्हणाला, "तु जेव्हा जन्माला आला नव्हतात तेव्हापासून मी आंतरारष्ट्रीय क्रिकेटमध्ये शतक करतोय." हा वाद चांगलाच रंगला होता. मैदानाच शाब्दिक राडा सुरु झाला होता. पण यावेळी दोन्ही संघांतील अन्य खेळाडूंनी यामध्ये हस्तक्षेप केला होता आणि हा वाद थांबवला होता. आता नवीनने आफ्रिदीवर चांगलाच पलटवार केल्याचे पाहायला मिळत आहे. नवीनने एक ट्विट केले आहे. त्यामध्ये नवीनने म्हटले आहे की, " मी नेहमीच सर्व खेळाडूंचा सन्मान करत असतो. क्रिकेट हा एक सभ्य गृहस्थांचा खेळ आहे, हे मलाही माहिती आहे. पण जेव्हा कोणी म्हणते की, तु आमच्यापेक्षा लहान आहेस तेव्हा तो व्यक्ती फक्त माझ्याबद्दल भाष्य करत नसतो. तर तो व्यक्ती बऱ्याच लोकांना हे सुनावून दाखवत असतो. त्यामुळे सन्मान द्या आणि सन्मान मिळवा, असेच मला वाटते." ३० नोव्हेंबर रोजी झालेल्या लढतीत कॅडी टस्कर्स आणि गॉल ग्लॅडिएटर्स यांच्यात लढत झाली. या लढतीत टस्कर्सने २५ धावांनी विजय मिळवला. या सामन्यात ग्लॅडिएटर्सकडून खेळणारा पाकिस्तानचा माजी कर्णधार आफ्रिदीने कॅडी टस्कर्सच्या युवा गोलंदाज नवीन उल हक सोबत वाद घातला. या दोघांच्यात मैदानात वाद सुरू झाला आणि तो मिटवण्यासाठी दोन्ही संघातील अन्य खेळाडूंना यावे लागले. या सामन्यात कॅडी टस्कर्सने प्रथम फलंदाजी करत ५ बाद १९६ धावा केल्या. उत्तरादाखल गॉले ग्लॅडिएटर्सला ७ बाद १७१ धावा करता आल्या. या सामन्यात आफ्रीदीला भोपळा फोडता आला नाही.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2VsTHrP
No comments:
Post a Comment