नवी दिल्ली: भारताविरुद्ध सुरू असलेल्या वनडे मालिकेत ऑस्ट्रेलियाने तिसऱ्या सामन्याआधीच विजय मिळवला आहे. सध्या सुरू असलेल्या तिसऱ्या सामन्यात भारताचे पारडे जड दिसत आहे. या सामन्याचा निकाल काही ही लागला तरी संघाने ऑस्ट्रेलियाला झटका दिला आहे. इंग्लंडने दक्षिण आफ्रिकेचा टी-२० मालिकेत क्लीन स्वीप करून आयसीसीच्या क्रमवारीत अव्वल स्थानी झेप घेतली आहे. त्यांनी पहिल्या क्रमांकावर असलेल्या ऑस्ट्रेलियाला मागे टाकले. मंगळवार झालेल्या तिसऱ्या आणि अखेरच्या सामन्यात इंग्लंडने ९ विकेटनी विजय मिळवला. या विजयासह इंग्लंडने क्रमवारीत पहिले स्थान मिळवले. टी-२० क्रमवारीत इंग्लंडचे २५ सामन्यात २७५ रेटिंग गुण झाले आहेत. तर ऑस्ट्रेलियाकडे २२ सामन्यात इतकेच गुण आहेत. पण इंग्लंडकडे ६ हजार ८७७ अंक तर ऑस्ट्रेलियाकडे ६ हजार ४७ अंक आहेत. या क्रमवारीत भारतीय संघ तिसऱ्या स्थानावर आहे. भारताकडे २६६ रेटिंग गुण आहेत. चौथ्या स्थानावर पाकिस्तानचा संघ आहे. इंग्लंडविरुद्ध मायदेशात मालिका गमावणारा दक्षिण आफ्रिकेचा संघ पाचव्या क्रमांकावर आहे. भारत आणि यांच्यात वनडे मालिकेनंतर याच आठवड्यात टी-२० मालिका सुरू होणार आहे. त्या मालिकेनंतर क्रमवारीत बदल होण्याची शक्यता आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ofynTg
No comments:
Post a Comment