चेन्नई: आयपीएलच्या १४व्या हंगामासाठी उद्या १८ फेब्रुवारी रोजी मिनी लिलाव होणार आहे. या लिलावात १६४ भारतीय तर १२५ परदेशी खेळाडू सहभागी झाले आहेत. लिलावात सहभागी झालेल्या १० खेळाडूंनी त्यांची बेस प्राइस २ कोटी इतकी ठेवली आहे. तर १.५ कोटी बेस प्राइसमध्ये २२ खेळाडू, १ कोटीमध्ये ११ खेळाडू आहेत. वाचा- एप्रिल महिन्यात होणाऱ्या साठी आठ संघात फक्त ६१ जागा आहेत. लिलावासाठी नोंदणी केलेल्या १ हजार ०९७ पैकी २९२ खेळाडूंना निवडण्यात आले आहे. या लिलावात असे पाच भारतीय खेळाडू आहेत ज्यांना कोणी विकत घेण्याची शक्यता दिसत नाही. वाचा- केदार जाधव- आयपीएलच्या गेल्या हंगामात केदारची कामगिरी खराब झाली होती. ८ सामन्यात त्याने फक्त ६२ धावा केल्या होत्या. २६ ही त्याची सर्वोच्च धावसंख्या होती. २०१९मध्ये देखील केदारने १४ सामन्यात फक्त १६२ धावा केल्या होत्या. फक्त खराब फॉर्म नव्हे तर केदारची बेस प्राइस देखील त्याच्या विरुद्ध जाऊ शकते. त्याने स्वत:ची प्राइस २ कोटी इतकी ठेवली आहे. अशा परिस्थितीत कोणी त्याच्यावर बोली लावेल असे वाटत नाही. चेतेश्वर पुजारा- भारतीय कसोटी संघातील स्टार फलंदाज पुजारा आयपीएल २०१४ मध्ये किंग्ज इलेव्हन पंजाबकडून खेळला होता. पण त्यानंतर आठ संघांनी त्याच्याकडे लक्ष दिले नाही. या वर्षी पुजाराने स्वत:ची बेस प्राइस ५० लाख इतकी ठेवली आहे. पुजारा हा कसोटीपटू आहे. यामुळेच कोणताही संघ त्याच्यावर बोली लावत नाही. यावर्षी देखील लिलावात त्याच्यावर बोली लागण्याची शक्यता नाही. वाचा- हरभजन सिंग- चेन्नई सुपर किंग्ज संघाने या वर्षी हरभजन सिंगला रिलीझ केले आहे. गेल्या वर्षी युएईत झालेल्या स्पर्धेत हरभजनने वैयक्तीक कारणामुळे खेळण्यास नकार दिला होता. चेन्नई संघ प्रथमच क्वालीफायलमध्ये पोहोचला नाही आणि गुणतक्त्यात सातव्या स्थानावर राहिला. दोन कोटी बेस प्राइस असलेल्या भारतीय खेळाडूंमध्ये हरभजनचा देखील समावेश आहे. मोठ्या कालावधीपासून हरभजन क्रिकेटपासून लांब आहे. त्यामुळे त्याच्यावर बोली लागण्याची शक्यता कमी दिसते. उमेश यादव- भारतीय संघातील जलद गोलंदाज उमेश यादवकडे चांगली लाइन आणि लेंथ आहे. पण उमेश विकेट मिळवण्यात अपयशी ठरतो. गेल्या हंगामात तो अपयशी ठरला होता. दोन सामन्यात फक्त दोन विकेट त्याला मिळवता आल्या. या वर्षी लिलावात त्याने स्वत:ची बेस प्राइस १ कोटी इतकी ठेवली आहे. या किमतीत अनेक जलद गोलंदाज आहेत. इतक नव्हे तर उमेश मोठ्या कालावधीपासून मर्यादीत षटकांचे सामने खेळला नाही. त्यामुळे लिलावात त्याची खरेदी होणे कठीण दिसते. वाचा- ... पियुष चावला- अनेक वर्षापासून कोलकाता नाइट रायडर्सचा मुख्य फिरकीपटू असलेला पियुष चावला गेल्या वर्षी चेन्नई सुपरकिंग्जकडून खेळला होता. सात सामन्यात त्याने ६ विकेट मिळवल्या. या वर्षी चेन्नईने त्याला रिलीझ केले आहे. खराब कामगिरी आणि वाढणारे वय यामुळे लिलावात चावलाची खरेदी होण्याची शक्यता कमीच दिसते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3uf7gLZ
No comments:
Post a Comment