कॅनबेरा, : भारताचा माजी कर्णधार हा भारतीय संघामध्ये नाही. आयपीएलपूर्वीच धोनीने आपली निवृत्ती जाहीर केली होती. पण भारताने जो तिसऱ्या वनडे सामन्यात विजय मिळवला त्यामध्ये धोनीचाही हात होता, असा खुलासा भारताचा अष्टपैलू क्रिकेटपटू रवींद्र जडेजाने केला आहे. तिसऱ्या वनडेमध्ये जडेजाला महत्वपूर्ण ५० चेंडूंत नाबाद ६६ धावांची खेळी साकारली, त्याचबरोबर हार्दिक पंड्याबरोबर १५० धावांची भागीदारीही रचली. पण ही खेळी साकारताना धोनीने आतापर्यंत धोनीने जो पॅटर्न बनवला आहे, त्याचा मला चांगलाच फायदा झाला, असे जडेजाने एका मुलाखतीमध्ये सांगितले आहे. धोनीने नेमका कोणता पॅटर्न बनवला होता, पाहा.... जडेजा म्हणाला की, " धोनी भारत आणि चेन्नईच्या संघाबरोबर बराच काळ खेळला आहे. त्याच्याबरोबर मलाही खेळायची संधी मिळाली. धोनीचा एक फलंदाजीचा पॅटर्न आहे. धोनी ज्या फलंदाजाबरोबर खेळत असतो त्याच्याबरोबर त्याला मोठी भागीदारी करायला आवडते. त्याचबरोबर एकदा स्थिरस्थावर झाल्यावर मोठे फटके मारायचे, हेदेखील धोनीनेच मला शिकवले. या गोष्टीचाच मला तिसऱ्या वनडेमध्ये फलंदाजी करताना चांगला फायदा झाला." जडेजाने पुढे सांगितले की, " धोनी नेहमी सांगायचा की, सामना अखेरच्या षटकांपर्यंत घेऊन जा आणि डेथ ओव्हर्समध्ये जोरदार फटकेबाजी करा. मी धोनीबरोबर फलंदाजी करताना या गोष्टी बऱ्याचवेळा पाहिल्या आहेत. अखेरच्या ५-६ षटकांमध्ये धोनी जबरदस्त फलंदाजी करायचा. तिसऱ्या एकदिवसीय सामन्यातही काही अशीच परिस्थिती होती. त्यावेळी मी धोनीचा हा पॅटर्न वापरला आणि त्यामध्ये मला यश मिळाले. कारण अखेरच्या ५-६ षटकांमध्ये आम्ही भरपूर धावा लुटल्या आणि त्यामुळेच आम्ही हा विजय साकारू शकलो, असे मला वाटते." भारताने तिसऱ्या एकदिवसीय सामन्यात आपली लाज राखली. तिसऱ्या एकदिवसीय सामन्यात भारताने ऑस्ट्रेलियाला पराभूत करत ऐतिहासिक विजयाची नोंद केली. भारताला गेल्या सहा सामन्यांमध्ये मिळालेला हा पहिला विजय आहे. भारताने या सामन्यात ऑस्ट्रेलियापुढे विजयासाठी ३०३ धावांचे आव्हान ठेवले होते. या आव्हानाचा पाठलाग करताना आरोन फिंच आणि ग्लेन मॅक्सवेल यांनी अर्धशतके झळकावली, पण त्यांना संघाला विजय मिळवून देता आला नाही. भारताने या सामन्यात १३ धावांनी विजय मिळवला. भातीय संघाचा ऑस्ट्रेलियाच्या दौऱअयातील हा पहिला विजय आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/36DZNfD
No comments:
Post a Comment