सिडनी, : भारताचा अष्टपैलू खेळाडू रवींद्र जडेजाला पहिल्या ट्वेन्टी-२० सामन्यात दुखापत झाली होती. पण या दुखापतीनंतर भारताचे माजी क्रिकेटपटू आणि समालोचक संजय मांजरेकर यांनी काही सवाल उपस्थित केले आहेत. कारण दुखापतीनंतर जडेजा खेळू शकणार नव्हता. त्यामुळे आयसीसीच्या नियमानुसार युजवेंद्र चहलला संघात स्थान देण्यात आले आणि चहलने तीन विकेट्स घेत सामना फिरवला होता. याबाबत मांजरेकर म्हणाले की, " जेव्हा जडेजाला मैदानात दुखापत झाली होती तेव्हा फिजिओ त्याला पाहायला मैदानात का गेला नाही. जडेजाच्या डोक्यावर चेंडू आदळला होता. जर कोणत्याही खेळाडूला जेव्हा दुखापत होते, तेव्हा फिजिओ लगेच धावत मैदानात जातात. खेळाडूला कुठे दुखापत झाली आहे ते पाहतात, त्याचबरोबर त्याच्यावर उपचार करून तो खेळू शकणार की नाही, हेदेखील सांगतात. पण जडेजाच्या बाबतीत मात्र तसे झालेले पाहायला मिळाले नाही. त्यानंतर उशिराने सामना सुरु झालेला पाहायला मिळाला." जडेजाला सामन्यात दोनवेळा दुखापत झाली. पहिल्यांदा जडेजाच्या पायाचे स्नायू दुखावले होते. तेव्हा जडेजा थोडा लंगडत चालत होता. पण काही वेळातच तो बरा झाला. पण त्यानंतर जडेजाच्या हॅल्मेटवर एक चेंडू आदळला होता. त्यावेळी जडेजा चक्क मैदानात बसला होता. पण तरीही भारताचे फिजिओ त्याला पाहायला मैदानात गेले नाहीत. पण त्यानंतर जडेजाने फलंदाजी केली होती. पण पहिला डाव संपल्यावर जडेजा दुखापतग्रस्त असून ही दुखापत गंभीर स्वरुपाची असल्यामुळे तो सामना खेळू शकला नव्हता. त्यामुळे जर दुखापत होऊनही जडेजा फलंदाजी करत असेल तर तो गोलंदाजी करायला मैदानात का आला नाही, असा सवालही बरेच जणं विचारायला लागले आहेत. याबाबत मांजरेकर यांनी सांगितले की, " दुखापतीनंतर जडेजाने फलंदाजी केली, पण त्याचा जास्त फायदा झाला नाही. कारण त्यानंतर भारतीय संघाने फक्त ९ धावा जमवल्या. पण जडेजाला चेंडू लागल्यावर २-३ मिनिटांमध्ये भारताचे फिजिओ मैदानात आलेले पाहायला मिळाले नाही. जर फिजिओ मैदानात आले असते तर विश्वसनीयता वाढली असती. पण तसे झाले नाही. त्यामुळेच या प्रकरणावर आता काही जणं टीका करत आहेत." मांजरेकर यांनी दुखापतीनंतर जडेजाच्या फलंदाजीने जास्त फायदा झाला नसल्याचे यावेळी सांगितले. त्याचबरोबर जडेजाच्या दुखापतीच्या विश्वसनियतेबाबतही प्रश्नचिन्ह उपस्थित केले जात आहेत. कारण जडेजाला मैदानात दुखापत झाल्यावर फिजिओ गेला नाही, पण त्याची दुखापत गंभीर असल्याचे नंतर समजले. त्यामुळे या सर्व प्रकरणावर आता जोरदार टीका सुरु आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2JRLBGU
No comments:
Post a Comment