सिडनी : भारत आणि ऑस्ट्रेलिया यांच्यातील तिसऱ्या ट्वेन्टी-२० सामन्यांसाठी दोन्ही संघांची घोषणा करण्यात आली आहे. भारताने या सामन्यात नाणेफेक जिंकून प्रथम गोलंदाजी करण्याचा निर्णय घेतला आहे. अखेरच्या या ट्वेन्टी-२० सामन्यात भारत आणि ऑस्ट्रेलिया या दोन्ही संघांमध्ये नेमके काय बदल झाले आहेत, पाहा... ऑस्ट्रेलियाच्या संघाला यावेळी एक आनंदाची बातमी मिळाली आहे. या तिसऱ्या आणि अखेरच्या ट्वेन्टी-२० सामन्यात ऑस्ट्रेलियाचा कर्णधार आरोन फिंचचे संघात पुनरागमन झाले आहे. त्यामुळे ऑस्ट्रेलियाच्या संघाला मोठा दिलासा मिळू शकतो. त्यामुळे आता मॅथ्यू वेडबरोबर फिंच हा सलाचमीला येऊ शकतो. त्याचबरोबर या सामन्यात अष्टपैलू मार्कस स्टॉइनिसला संधी मिळेल, असे वाटत होते. मार्कसला दुखापत झाली होती, त्यामुळे तो काही काळ संघाबाहेर होता. पण ऑस्ट्रेलियाच्या संघाने यावेळी मार्कसला या सामन्यात संधी दिलेली नाही. भारतीय संघात यावेळी गोलंदाजांमध्ये मोठे बदल होऊ शकतात, असे वाटले होते. दुसऱ्या सामन्यात युजवेंद्र चहलची चांगलीच धुलाई झाली होती. चहलने चार षटकांमध्ये तब्बल ५१ धावा दिल्या होत्या. त्यामुळे त्याला तिसऱ्या ट्वेन्टी-२० सामन्यात डच्चू मिळेल, असे म्हटले जात होते. कारण दुसऱ्या बाजूने वॉशिंग्टन सुंदर चांगील गोलंदाजी करत आहे. त्याला चांगली साथ चहलला देता आलेली नाही. पण चहलला या सामन्यासाठी संघात कायम ठेवण्यात आले आहे. आतापर्यंतच्या ट्वेन्टी-२० सामन्यांमध्ये भारताचा युवा वेगवान गोलंदाज टी. नटराजनने नेत्रदीपक कामगिरी केली आहे. नटराजनने आपल्याला मिळालेल्या संधीचे सोने केले आहे. पण अजूनपर्यंत वेगवान गोलंदाज जसप्रीत बुमराला मात्र संघात स्थान देण्यात आलेले नाही. त्याचबरोबर दुसऱ्या सामन्यात वेगवान गोलंदाज मोहम्मद शमीलाही खेळवले नव्हते. त्यामुळे या सामन्याच या दोघांपैकी एका गोलंदाजाला संधी मिळण्याची दाट शक्यता वर्तवली जात होती. पण या भारतीय संघात एकही बदल करण्यात आलेला नाही. त्यामुळे दुसऱ्या सामन्यात जो संघ होता तोच कायम ठेवण्याचा निर्णय भारतीय संघाने यावेळी घेतला आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2VOHH43
No comments:
Post a Comment