नवी दिल्ली : क्रिकेट विश्वातील एक धक्कादायक गोष्ट आता समोर आली आहे. कारण सामन्याच्या दिवशीच एका क्रिकेटपटूला करोना झाल्याचे पाहायला मिळाले. आज खेळवण्यात येणारा सामना रद्द करावा लागला. इंग्लंड आणि दक्षिण आफ्रिका यांच्यातील वनडे क्रिकेट मालिकेला आज सुरुवात होणार होती. आज, शुक्रवारी या मालिकेतील पहिला वनडे सामना होणार होता. पण सामन्याच्या दिवशीच दक्षिण आफ्रिकेचा एक खेळाडू करोना पॉझिटीव्ह असल्याचे समजले. त्यामुळे हा सामना रद्द करण्याचा निर्णय घेण्यात आला. दक्षिण आफ्रिका आणि इंग्लंड या दोन्ही देशांतील क्रिकेट मंडळांनी मिळून हा निर्णय घेतला आहे. आज संध्याकाळी ४ वाजून ३० मिनिटांनी दक्षिण आफ्रिका आणि इंग्लंड यांच्यातील पहिला वनडे सामना होणार होता. पण या सामन्यापूर्वी खेळाडूंची करोना चाचणी करण्यात आली. या चाचणीमध्ये दक्षिण आफ्रिकेचा एक खेळाडू करोना पॉझिटीव्ह असल्याचे पाहायला मिळाले. त्यामुळे या खेळाडूला थेट हॉटेलमध्ये पाठवण्यात आले. पण आजचा सामना रद्द करावा लागला. हा सामना आता ६ डिसेंबरला खेळवण्यात येणार आहे. दक्षिण आफ्रिकेविरुद्धच्या तिसऱ्या ट्वेन्टी-२० सामन्यात इंग्लंडचा कर्णधार इऑन मॉर्गनला एक कोडवर्डमध्ये मेसेज आला. हा मेसेज आल्यावर क्रिकेट विश्वामध्ये एकच खळबळ उडाली आहे. त्याचबरोबर या मेसेजनंतर इंग्लंडच्या एका माजी कर्णधाराने संघाला घरचा अहेर दिल्याचेही पाहायला मिळाले. नेमके घडले तरी काय...दक्षिण आफ्रिका आणि इंग्लंड यांच्यातील तिसऱ्या ट्वेन्टी-२० सामन्याच्या १९व्या षटकात हा प्रकार पाहायला मिळाला. इंग्लंडच्या संघाचे अॅनलिस्ट असलेले नॅथन लेमन हे ड्रेसिंग रुममध्ये बसले होते. त्यावेळी त्यांनी मॉर्गनकडे पाहून एक कार्ड दाखवले. या मोठ्या कार्डवर 4Eआणि 2C असे लिहिलेले होते. लेमन यांनी हा मेसेज देताना सर्वांनी पाहिले, पण या मेसेजचा नेमका अर्थ काय, हे मात्र कोणाला समजू शकले नव्हते. हा मेसेज नेमका कशासाठी होता, हेदेखील कोणाला समजू शकले नाही. या मेसेजनंतर क्रिकेट विश्वात एकच खळबळ उडाली. कारण असा मेसेज देणे हे नियमांमध्ये बसते का, हा सवाल आता उठायला सुरुवात झाली आहे. ... असा कोडवर्डमध्ये मेसेज पाठवणे नियमांमध्ये बसते का?याबाबत मार्क वूड या इंग्लंडच्या खेळाडूने सांगितले की, " ही गोष्ट सामनाधिकाऱ्यांनाही माहिती होती. त्यांनी यावर कोणताही आक्षप घेतलेला नाही. त्यामुळे ही गोष्ट नियमांमध्ये बसणारीच आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2VBN9r5
No comments:
Post a Comment