केपटाऊन : दक्षिण आफ्रिकेविरुद्धच्या तिसऱ्या ट्वेन्टी-२० सामन्यात इंग्लंडचा कर्णधार इऑन मॉर्गनला एक कोडवर्डमध्ये मेसेज आला. हा मेसेज आल्यावर क्रिकेट विश्वामध्ये एकच खळबळ उडाली आहे. त्याचबरोबर या मेसेजनंतर इंग्लंडच्या एका माजी कर्णधाराने संघाला घरचा अहेर दिल्याचेही पाहायला मिळाले. नेमके घडले तरी काय...दक्षिण आफ्रिका आणि इंग्लंड यांच्यातील तिसऱ्या ट्वेन्टी-२० सामन्याच्या १९व्या षटकात हा प्रकार पाहायला मिळाला. इंग्लंडच्या संघाचे अॅनलिस्ट असलेले नॅथन लेमन हे ड्रेसिंग रुममध्ये बसले होते. त्यावेळी त्यांनी मॉर्गनकडे पाहून एक कार्ड दाखवले. या मोठ्या कार्डवर 4Eआणि 2C असे लिहिलेले होते. लेमन यांनी हा मेसेज देताना सर्वांनी पाहिले, पण या मेसेजचा नेमका अर्थ काय, हे मात्र कोणाला समजू शकले नव्हते. हा मेसेज नेमका कशासाठी होता, हेदेखील कोणाला समजू शकले नाही. या मेसेजनंतर क्रिकेट विश्वात एकच खळबळ उडाली. कारण असा मेसेज देणे हे नियमांमध्ये बसते का, हा सवाल आता उठायला सुरुवात झाली आहे. ... असा कोडवर्डमध्ये मेसेज पाठवणे नियमांमध्ये बसते का?याबाबत मार्क वूड या इंग्लंडच्या खेळाडूने सांगितले की, " ही गोष्ट सामनाधिकाऱ्यांनाही माहिती होती. त्यांनी यावर कोणताही आक्षप घेतलेला नाही. त्यामुळे ही गोष्ट नियमांमध्ये बसणारीच आहे." आयसीसीने याबाबतचा नियम बनवलेला आहे. त्यामुळे लेमन यापुढेही असे मेसेज संघाला पाठवू शकतात. यापूर्वी अशी कोणती घटना घडली आहे का?हो. यापूर्वी लेमन यांनी या कोडवर्डचा वापर पाकिस्तान सुपर लीगमध्ये केला होता. त्यावेळी ते मुलतान सुलतान्स या संघाचा एक भाग होते. प्रशिक्षक थेट मैदानात जाऊन खेळाडूंना मेसेज देऊ शकतात का?नाही. कोणतेही प्रशिक्षक थेट मैदानात जाऊन मेसेज देऊ शकत नाही. जर प्रशिक्षकाला कोणता मेसेज संघापर्यंत पोहोचवायचा असेल तर ते राखील खेळाडूला सांगू शकतात आणि तो खेळाडू मैदानात येऊन हा मेसेज देऊ शकतो. आयपीएलमध्ये जेव्हा टाइम आऊट असते तेव्हा मात्र प्रशिक्षक मैदानात आल्याचे सर्वांनीच पाहिले आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/36Cqt06
No comments:
Post a Comment