नवी दिल्ली : यावर्षी आयपीएल गाजवणाऱ्या सनरायझर्स हैदराबादच्या संघातील जेसन होल्डरचा एक व्हिडीओ सध्याच्या घडीला चांगलाच व्हायरल होताना दिसत आहे. कारण होल्डरने यावेळी हवेत उडी मारुन सुपर कॅच पकडला आहे. होल्डरने हा कॅच परडला तरी कसा, पाहा व्हिडीओ... सध्या वेस्ट इंडिज आणि न्यूझीलंड यांच्यामध्ये कसोटी मालिका सुरु आहे. या मालिकेतील दुसऱ्या सामन्यात ही गोष्ट पाहायला मिळाली. या सामन्यात न्यझीलंडचा विल यंग हा दमदार फलंदाजी करत होता आणि तो अर्धशतकाच्या जवळ आला होता. त्यावेळी शेनॉन गॅब्रियलच्या ४३व्या षटकाच्या पहिल्याच चेंडूवर होल्डरने स्लीपमध्ये असताना हवेत उडी मारून दमदार कॅच पकडला. या कॅचचा व्हिडीओ आता चांगलाच व्हायरल झाला आहे. चाहत्यांना होल्डरने पकडलेली कॅच चांगलीच आवडलेली आहे. दुसऱ्या कसोटी सामन्यात वेस्ट इंडिजने नाणेफेक जिंकल्यावर प्रथम क्षेत्ररक्षण करण्याचा निर्णय घेतला. यावेळी न्यूझीलंडची सुरुवात चांगली झाली नव्हती. त्यांची ३ बाद ७८ अशी धावसंख्या होती. पण त्यानंतर न्यूझीलंडच्या हेन्री निकोल्सने या सामन्यात आपले सहावे शतक साजरे करताना नाबाद ११७ धावा केल्या. एका बाजूने न्यूझीलंडचे फलंदाज बाद होत असले तरी निकोल्सने मात्र एक बाजू लावून धरली आणि त्याने शतक झळकावत पहिल्या दिवसअखेर संघाचा सन्मानजनक धावसंख्या उभारून दिली. निकोल्सच्या नाबाद शतकाच्या जोरावर न्यूझीलंडची पहिल्या दिवसअखेर ६ बाद २९४ अशी स्थिती आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/37azJJb
No comments:
Post a Comment