नवी दिल्ली: भारत आणि यजमान ऑस्ट्रेलिया यांच्यातील प्रत्येकी तीन सामन्यांच्या वनडे आणि टी-२० मालिका झाली. आता दोन्ही देशात चार सामन्यांची होणार आहे. ऑस्ट्रेलिया दौऱ्यातील पहिल्या दोन मालिकेत अनुक्रमे यजमान ऑस्ट्रेलिया आणि पाहूण्या भारतीय संघाने विजय मिळवला. आता दौऱ्याचा निकाल कसोटी मालिका ठरवणार आहे. वाचा- भारताच्या ऑस्ट्रेलिया दौऱ्यात कसोटी मालिका सर्वात खास आहे. कारण ही मालिका आयसीसीच्या वर्ल्ड टेस्ट चॅम्पियनशिपच्या अंतर्गत खेळवली जाणार आहे. कसोटी मालिकेची सुरूवात १७ डिसेंबरपासून होणार आहे. कसोटी मालिकेतील पहिली लढत डे-नाइट असून १७ डिसेंबर ते २१ डिसेंबर या काळात एडिलेड येथे ही लढत होईल. या दोन्ही संघांना याआधी पिंक बॉलने डे-नाइट कसोटी सामने खेळले आहेत. पण एकमेकांविरुद्धची पहिलीच लढत असेल. त्याच बरोबर भारतीय संघ प्रथमच परदेशात डे-नाइट कसोटी खेळत आहे. या सामन्यानंतर भारताचा कर्णधार विराट कोहली मायदेशात परतणार आहे. वाचा- मालिकेतील दुसरा सामना बॉक्सिंग डे कसोटी मॅच असेल, जी २६ डिसेंबर ते ३० डिसेंबर या काळात होईल. हा लढत मेलबर्न क्रिकेट मैदानावर होणार आहे. या सामन्यापासून भारताचा कर्णधार विराट कोहली खेळणार नाही. तिसरी कसोटी नव्या वर्षात म्हणजे ७ जानेवारी ते ११ जानेवारी या काळात सिडनी क्रिकेट मैदानावर होईल. तर मालिकेतील अखेरची कसोटी १५ जानेवारी ते १९ जानेवारी या काळात ब्रिसबेनच्या गाबा मैदानावर खेळवली जाईल. वाचा- अशा आहेत वेळा पहिला कसोटी सामना डे-नाइट असल्यामुळे त्याची वेळ वेगळी आहे. दुसऱ्या आणि तिसऱ्या कसोटी सामन्याची वेळ सारखीच आहे. तर चौथ्या कसोटीची वेळ पुन्हा वेगळी आहे. डे-नाइट कसोटी सकाळी ९ वाजता सुरू होईल. दुसरा आणि तिसरा कसोटी सामना भारतीय वेळेनुसार पहाटे ५ वाजता. तर अखेरचा कसोटी सामना पहाटे साडेपाच वाजता सुरू होईल. सराव लढती ६ ते ८ डिसेंबर- सराव सामना, ड्रमोनी ओव्हल, सिडनी ११-१३ डिसेंबर- सराव सामना (डे-नाइड), सिडनी कसोटी मालिका १) पहिली कसोटी- १७ ते २१ डिसेंबर, एडिलेड ओव्हल- डे/नाईट (सकाळी ९ वाजता) २) दुसरी कसोटी- २६ ते ३० डिसेंबर, मेलबर्न (पहाटे ५ वाजता) ३) तिसरी कसोटी- ७ ते ११ जानेवारी २०२१, सिडनी (पहाटे ५ वाजता) ४) चौथी कसोटी- १५ ते १९ जानेवारी, २०२१, गाबा (पहाटे साडे पाच वाजता) भारताच्या या दौऱ्यातील सर्व सामन्याचे लाइव्ह प्रक्षेपण सोनी सिक्स आणि डीडी स्पोट्स वर होणार आहे. या शिवाय Sony LIVवर लाइव्ह स्ट्रीमिंग होईल. कसोटी मालिका फक्त सोनी सिक्स आणि Sony LIV वर दिसेल. या शिवाय भारतीय संघ दोन सराव सामने खेळणार आहे. या सामन्याचे लाइव्ह प्रक्षेपण क्रिकेट ऑस्ट्रेलियाच्या अॅपवर केले जाणार आहे. भारत आणि ऑस्ट्रेलिया यांच्या लढतीचे LIVE UPDATE आणि स्कोअरकार्ड महाराष्ट्र टाइम्सच्या वेबसाइटवर तुम्ही पाहू शकता.
- भारत आणि ऑस्ट्रेलिया यांच्यात किती कसोटी सामन्यांची मालिका होणार आहे. चार सामन्यांची कसोटी मालिका
- भारत आणि ऑस्ट्रेलिया यांच्यातील पहिला कसोटी सामना कुठे आणि केव्हा होणार आहे पहिला कसोटी सामना १७ ते २१ डिसेंबर दरम्यान एडिलेड येथे होणार आहे
- भारत आणि ऑस्ट्रेलिया यांच्यातील बॉक्सिंग डे/ दुसरा कसोटी सामना कधी होणार?बॉक्सिंग डे कसोटी २६ डिसेंबर ते ३० डिसेंबर या काळात मेलबर्न क्रिकेट मैदानावर होईल
- भारत आणि ऑस्ट्रेलिया यांच्यातील तिसरा कसोटी सामना केव्हा आणि कुठे होईलतिसरी कसोटी नव्या वर्षात म्हणजे ७ जानेवारी ते ११ जानेवारी या काळात सिडनी क्रिकेट मैदानावर होईल
- भारत आणि ऑस्ट्रेलिया यांच्यातील चौथ्या कसोटी सामन्याचे वेळापत्रकमालिकेतील चौथी आणि अखेरची कसोटी १५ जानेवारी ते १९ जानेवारी या काळात ब्रिसबेनच्या गाबा मैदानावर होईल
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3lYVyzD
No comments:
Post a Comment