सिडनी: ऑस्ट्रेलियातील सिडनी शहरात भारताचे दोन संघ क्रिकेट सामने खेळत आहे. भारताचा मुख्य संघ ऑस्ट्रेलियाविरुद्ध टी-२० मालिका खेळत आहे. तर भारताचा अ संघ ऑस्ट्रेलियाच्या अ संघाविरुद्ध खेळत आहे. काल रविवारी झालेल्या दुसऱ्या टी-२० लढतीत भारताने धमाकेदार विजय मिळवून मालिकेत २-० अशी विजयी आघाडी घेतली. दुसरीकडे सिडनीत सुरू असलेल्या सराव लढतीत भारताकडून अजिंक्य रहाणे याने शतकी खेळी केली. वाचा- ऑस्ट्रेलिया अ विरुद्धच्या सराव लढतीत भारतीय संघ अडचणीत सापडला होता. तेव्हा कर्णधार अजिंक्य रहाणेने शतकी खेळी केली आणि संघाला तारले. अजिंक्यने नाबाद ११७ धावा केल्या. भारताने पहिला डाव ९ बाद २४७ धावांवर घोषित केला. त्यानंतर ऑस्ट्रेलियाने त्यांचा डाव २००च्या पुढे नेण्यात यश मिळवले. ऑस्ट्रेलिया अ कडून कॅमरून ग्रीनने ११३ धावा केल्या. तर टीम पेने ८८ चेंडूत ४४ धावा केल्या. तो उमेश यादवच्या चेंडूवर बाद झाला. पृथ्वी शॉने त्याचा शानदार कॅच घेतला. फलंदाजी करताना पृथ्वीने निराशा केली होती. तो शून्यावर बाद झाला होता. त्यामुळे सोशळ मीडियावर तो ट्रोल देखली झाला होता. गेल्या काही दिवसांपासून पृथ्वी धावा करण्यात अपयशी ठरत आहे. आयपीएलमध्ये देखील पृथ्वी खराब फॉर्ममध्ये होता. पण फिल्डिंगमध्ये पृथ्वीने शानदार कॅच घेत सर्वांची मने जिंकली. वाचा- उमेश यादवच्या बाउसर चेंडूवर पेनने पुल करण्याचा प्रयत्न केल. पण चेंडूचा वेग त्याच्या लक्षात आला नाही. आणि बॅकफुट स्क्वेअर लेगवर उभा असलेल्या पृथ्वीने हवेत उडी मारून कॅच घेतला. पृथ्वीचा हा कॅच पाहून फलंदाज पेनला देखील विश्वास बसला नाही. वाचा- क्रिकेट ऑस्ट्रेलियाने हा व्हिडिओ सोशल मीडियावर शेअर केला आहे. जो खुप व्हायरल होत आहे. ऑस्ट्रेलिया अ च्या पहिल्या डावात भारताच्या उमेश यादवने सर्वाधिक ३ विकेट घेतल्या. तर मोहम्मद सिराज आणि आर अश्विनने प्रत्येकी दोन विकेट घेतल्या. दुसऱ्या दिवसाचा खेळ संपला तेव्हा ऑस्ट्रेलिया अ ने ८ बाद २८६ धावा केल्या असून ग्रीन ११४ धावांवर खेळत आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3lKaHog
No comments:
Post a Comment