चेन्नई : मुंबई इंडियन्सचा दुसरा सामना आज कोलकाता नाइट रायडर्सबरोबर होणार आहे. पण या सामन्यापूर्वी मुंबई इंडियन्सचा कर्णधार रोहित शर्माची चिंता वाढली. कारण या सामन्यात रोहितला दोन खेळाडूंपैकी एकाचीच निवड करावी लागणार आहे. त्यामुळे या सामन्यात नेमकी कोणाला संधी द्यायची, हा मोठा प्रश्न रोहितपुढे पडला असेल. सलामीवीर क्विंटन डीकॉक पहिल्या सामन्यात हा खेळणार नव्हता. कारण दक्षिण आफ्रिकेची पाकिस्तानबरोबर मालिका सुरु होती आणि डीकॉक हा तिथे खेळत होता. त्यानंतर तो भारतात दाखल झाला होता. त्यानंतर डीकॉक क्वारंटाइन झाला होता आणि त्यामुळेच ख्रिस लीनला संधी देण्यात आली होती. पण आता डीकॉकचा क्वारंटाइनचा कालावधी संपलेला आहे आणि तो दुसऱ्या सामन्यासाठी उपलब्ध होऊ शकतो. त्यामुळे आता मुंबई इंडियन्सच्या संघात हा एक मोठा बदल झालेला पाहायला मिळू शकेल. त्यामुळे आता दुसऱ्या सामन्यात कोणाला संधी द्यायची, हा प्रश्न रोहित शर्माला सोडवावा लागणार आहे. डीकॉक पहिल्या सामन्यात खेळला नव्हता आणि त्यावेळी लीनने चांगली फलंदाजी केली होती. त्यामुळे त्याला वगळण्याची जोखीम मुंबई इंडियन्सचा संघ घेणार का, याची उत्सुकता सर्वांनाच असेल. कारण एका संघात फक्त चार विदेशी खेळाडू खेळू शकतात. संघात कायरन पोलार्ड आणि ट्रेंट बोल्ट यांचे स्थान तर जळपास निश्चित समजले जात आहे. त्यामुळे जर डीकॉक आणि लीन या दोघांनाही खेळवायचे असेल तर त्यांना मार्को जॅन्सनला संघातून बाहेर काढावे लागू शकते. पण त्यामुळे त्यांच्या गोलंदाजीचा एक पर्याय कमी होऊ शकतो. त्यामुळे मार्कोला संघातून काढणे हे त्यांना परवडणारे नसेल. त्यामुळे दुसऱ्या सामन्यात फॉर्मात असलेल्या लीनला संधी द्यायची की डीकॉकला खेळवायचे या मोठा प्रश्न मुंबई इंडियन्सला सोडवावा लागणार आहे. आरसीबीविरुद्धच्या पहिल्या सामन्यात लीनने दमदार फलंदाजी केली होती. त्यामुळे कदाचित लीनला अजून एक संधी देण्यात येऊ शकते आणि त्यानंतर याबाबतचा निर्णय घेतला जाऊ शकतो. कारण फॉर्मात असलेल्या खेळाडूला संघाबाहेर बसवणे हे योग्य ठरणार नाही. कारण डीकॉक खेळण्यासाठी कितपत फिट आहे, हेदेखील मुंबई इंडियन्सला पाहावे लागेल आणि त्यानंतरच त्यांना हा महत्वाचा निर्णय घेता येणार आहे. पण या सामन्यात लीन खेळण्याची शक्यता सर्वात जास्त आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3uLuwjR
No comments:
Post a Comment