चेन्नई : गुढीपाडव्याच्या मुहुर्तावर मुंबई इंडियन्सच्या संघाने मराठी बाणा जपल्याचे पाहायला मिळाला आहे. कारण मुंबई इंडियन्सच्या संघाचा एक व्हिडीओ चांगलाच व्हायरल झालेला आहे. या व्हिडीओमध्ये नेमकं आहे तरी काय, पाहा... मुंबई इंडियन्सच्या संघातील काही खेळाडूंनी यावेळी आपल्या चाहत्यांना गुढीपाडव्याच्या शुभेच्छा दिल्या आहेत. यामध्ये अर्जुन तेंडुलकर, धवल कुलकर्णी, आदित्य तरे आणि हार्दिक पंड्या यांनी आपल्या चाहत्यांना खास मराठीमध्ये गुढीपाडव्याच्या खास शुभेच्छा दिल्या आहेत. मुंबई इंडियन्सने हा व्हिडीओ त्यांच्या इंस्टाग्रामवर पोस्ट केला आहे. हा व्हिडीओ चाहत्यांना चांगलाच पसंतीस पडला आहे. त्यामुळेच हा व्हिडीओ आता चांगलाच व्हायरल झाला आहे. आजच्या सामन्यात मुंबईचा संघ पहिल्या विजयासाठी मैदानात उतरेल तर कोलकाताची नजर दुसरा विजय मिळून गुणतक्तात अव्वल स्थानी झेप घेण्याची असेल. या दोन्ही संघातील आतापर्यंतची कामगिरी पाहता मुंबई इंडियन्स अधिक मजबूत दिसतो. या दोन्ही संघात गेल्या १२ लढतीत कोलकाताला फक्त एका सामन्यात विजय मिळवता आला. आयपीएलच्या सुरुवातीपासून दोन्ही संघात २७ लढती झाल्या असून त्यात मुंबईने २१ सामन्यात विजय मिळवला आहे. गेल्या वर्षी युएईमध्ये झालेल्या आयपीएलमध्ये मुंबईने साखळी फेरीत कोलकाताविरुद्धच्या दोन्ही सामन्यात विजय मिळवला. दोन्ही संघातील गेल्या पाच सामन्यात कोलकाताने फक्त एकात विजय मिळवला आहे. यामुळे आजच्या लढतीत देखील मुंबईचे पारडे जड असणार आहे. रोहित शर्माची चिंता वाढली...मुंबई इंडियन्सचा कर्णधार रोहित शर्माची चिंता दुसऱ्या सामन्यापूर्वी वाढलेली दिसत आहे. डीकॉक पहिल्या सामन्यात खेळला नव्हता आणि त्यावेळी लीनने चांगली फलंदाजी केली होती. त्यामुळे त्याला वगळण्याची जोखीम मुंबई इंडियन्सचा संघ घेणार का, याची उत्सुकता सर्वांनाच असेल. कारण एका संघात फक्त चार विदेशी खेळाडू खेळू शकतात. संघात कायरन पोलार्ड आणि ट्रेंट बोल्ट यांचे स्थान तर जळपास निश्चित समजले जात आहे. त्यामुळे जर डीकॉक आणि लीन या दोघांनाही खेळवायचे असेल तर त्यांना मार्को जॅन्सनला संघातून बाहेर काढावे लागू शकते. पण त्यामुळे त्यांच्या गोलंदाजीचा एक पर्याय कमी होऊ शकतो. त्यामुळे मार्कोला संघातून काढणे हे त्यांना परवडणारे नसेल. त्यामुळे दुसऱ्या सामन्यात फॉर्मात असलेल्या लीनला संधी द्यायची की डीकॉकला खेळवायचे या मोठा प्रश्न मुंबई इंडियन्सला सोडवावा लागणार आहे. आता रोहित याबाबत काय निर्णय घेतो, याची उत्सुकता चाहत्यांना असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3a8rDlh
No comments:
Post a Comment