मुंबई : डेव्हिड वॉर्नरच्या नेतृत्वाखालील सनरायझर्स हैदराबादला सुपर ओव्हरमध्ये दिल्ली कॅपिटल्सकडून पराभव पत्करावा लागला. या सुपर ओव्हरनंतर भारताचा माजी धडाकेबाज सलामीवीर वीरेंद्र सेहवाग चांगलाच भडकलेला आहे. त्याचबरोबर एका खेळाडूला न खेळवल्याबद्दल सेहवागने जहरी टीकाही केली आहे. सुपर ओव्हरमध्ये हैदराबादच्या संघाने तुफानी फटकेबाजी करणाऱ्या खेळाडूला संधीच दिली नाही आणि त्यामुळेच सेहवाग चांगलाच भडकल्याचे पाहायला मिळाले. या सामन्यात हैदराबादचा सलामीवीर जॉनी बेअरस्टोने फक्त १८ चेंडूंत ३८ धावांची वादळी खेळी साकारली होती. पण हैदराबादच्या संघाने सुपर ओव्हरमध्ये त्याला फलंदाजीची संधीच दिली नाही. सुपर ओव्हरमध्ये कर्णधार वॉर्नर आणि केन विल्यम्सन हे फलंदाजीला आले आणि त्यांना फक्त सात धावाच करता आल्या. सेहवाग भडकल्यावर नेमकं काय म्हणाला, पाहा...हैदराबादच्या पराभवानंतर सेहवाग म्हणाला की, " जॉनी बेअरस्टो हा टॉयलेटमध्ये गेला असेल त्यामुळेच त्याला सनरायझर्स हैदराबादच्या संघाने सुपर ओव्हरमध्य फलंदाजीची संधी दिली नसावी. जॉनीने दिल्लीविरुद्धच्या सामन्यात फक्त १८ चेंडूंत ३८ धावांची धडाकेबाज खेळी साकारली होती. त्याचे फटके थेट मैदानाबाहेर जात होते. हैदराबादने या सामन्यात चांगली लढत दिली. पण त्यांनी बेअरस्टोला फलंदाजीला सुपर ओव्हरमध्ये उतरवले नाही आणि हीच त्यांची सर्वात मोठी चुक घडली." वॉर्नरकडून घडली ही मोठी चुक...या सामन्यातील सुपर ओव्हरमध्ये वॉर्नरकडून एक चुक घडल्याचे पाहायला मिळाले. या एका चुकीमुळे हैदराबादला पराभवचा धक्का बसल्याचे पाहायला मिळाले. सुपर ओव्हरमध्ये वॉर्नर हा फलंदाजी करायला आला होता. अक्षर पटेल दिल्लीकडून सुपर ओव्हरचे षटक टाकत होता. या षटकाच्या अखेरच्या चेंडूवर वॉर्नरने दोन धावा घेतल्या. त्यामुळे सुरुवातीला दिल्लीपुढे ९ धावांचे आव्हान असल्याचे सांगण्यात आले. पण काही वेळाने तिसऱ्या पंचांनी वॉर्नरची एक मोठी चुक यावेळी दाखवून दिली आणि दिल्लीचे आव्हान आठ धावांचे ठेवण्यात आले. वॉर्नर जेव्हा दोन धावा घेण्यासाठी पळाला. तेव्हा पहिला धाव काढता त्याला पूर्ण धाव घेता आली नाही. कारण यावेळी क्रिझच्या आतमध्ये बॅट न आणता तो दुसरी धाव घेण्यासाठी धावला आणि हीच चुक हैदराबादच्या संघाला चांगली भोवली. या एका चुकीमुळे हैदराबादची एक धाव कमी झाली. दिल्लीला सुपर ओव्हरमध्ये अखेरच्या चेंडूवर फक्त एक धाव विजयासाठी हवी होती. तो चेंडू मिस झाला आणि पण दिल्लीला एक धाव घेता आली. त्यावेळी जर दिल्लीला दोन धावा हवा असल्या असत्या आणि त्यांनी जर एकच धाव घेतली असती तर हा सामना पुन्हा एकदा सुपर ओव्हरमध्ये गेला असता. त्यामुळे दुसऱ्या सुपर ओव्हरमध्ये पुन्हा एकदा हैदराबादच्या विजयाची शक्यता वाढू शकली असती.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3aFNe57
No comments:
Post a Comment