मुंबई : भारतामध्ये करोनाचे तांडव सुरु आहे. दिवसागणिक करोना रुग्णांची वाढ होते आहे. त्यामुळेच काही खेळाडू आता आयपीएलमधून बाहेर पडत असल्याचे पाहायला मिळत आहे. यापूर्वी काही खेळाडूंनी आयपीएल खेळण्यास नकार दिला आहे. भारताचा फिरकीपटू आर. अश्विनने आता आयपीएलमधून माघार घेतली आहे. ऑस्ट्रेलियाचे क्रिकेटपटू अँड्र्यू टाय, अॅडम झम्पा आणि केन रिचर्डसन यांनी देखील स्पर्धेतून माघार घेतली आहे. या सर्व गोष्टींनंतर बीसीसीआयचे अध्यक्ष सौरव गांगुली यांनी आता एक मोठे वक्तव्य केले आहे. खेळाडू एकिकडे आयपीएल सोडून जाताना पाहायला मिळत आहेत. पण या गोष्टीचा कोणताही परिणाम बीसीसीआयवर होताना दिसत नाही. कारण बीसीसीआयचे अध्यक्ष आणि भारताचे माजी कर्णधार सौरव गांगुली यांनी नियोजित वेळापत्रकानुसारच आयपीएल होणार असल्याचे सांगितले आहे. गांगुली यांनी याबाबतीच माहिती सोमवारी 'स्पोर्ट्सस्टार'ला दिली. आर. अश्विनने आयपीएल सोडण्याचा निर्णय का घेतला, पाहा... अश्विनच्या कुटुंबियांना करोनाची बाधा झाली आहे. याबाबत अश्विन म्हणाला की, " उद्यापासून मी आयपीएलच्या या हंगामातून ब्रेक घेत आहे. माझे कुटुंबीय करोनाशी लढत आहेत. अशा कठीण काळात मी त्यांच्या सोबत राहणार आहे. जर परिस्थिती ठिक झाली तर मला पुन्हा आयपीएलमध्ये परत येण्याची आशा आहे." आयपीएल सोडू जाण्याचे कारण काय आहे, पाहा...ऑस्ट्रेलियाचा क्रिकेटपटू अँड्र्यू टायने भारतात कोरनाचे रुग्ण वाढत चालल्याने ऑस्ट्रेलियात प्रवेश बंदी होण्याची शक्यता असल्याने आयपीएल मधूनच सोडण्याचा निर्णय घेतला. सोमवारी दोहा येथून सेन रोडिओशी बोलताना टायने सांगितले की, "ऑस्ट्रेलियाचे अनेक क्रिकेटपटू अशा प्रकारचा निर्णय घेऊ शकता. रॉयल चॅलेंजर्स बेंगळुरूकडून खेळणारे ऑस्ट्रेलियाचे क्रिकेटपटू एडम झम्पा आणि केन रिचर्डसन यांनी देखील स्पर्धेतून माघार घेतली आहे, याची अनेक कारणे आहेत. मुख्य कारण म्हणजे भारतातून पर्थमध्ये येणाऱ्या लोकांच्या क्वांरटाइनचा कालावधी वाढवण्यात आला आहे. पर्थ सरकारने पश्चिम ऑस्ट्रेलियात प्रवेश करणाऱ्यांची संख्या कमी करण्याचे प्रयत्न सुरु केले आहेत. बायो बबलमध्ये राहिल्याने खुप थकलो आहे हे देखील एक कारण आहे. त्याच बरोबर असा विचार केला की ऑस्ट्रेलियात प्रवेश बंदी होण्याआधी घरी पोहचू. ऑगस्ट महिन्यापासून मी फक्त ११ दिवस बायो बबलच्या बाहेर राहिलो आहे. आता घरी जाण्याची इच्छा आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3vlSym0
No comments:
Post a Comment