![](https://maharashtratimes.com/photo/82311961/photo-82311961.jpg)
नवी दिल्ली: आयपीएलच्या १४व्या हंगामात मुंबई इंडियन्स आणि राजस्थान रॉयल्स यांच्यातील लढतीमधील एक व्हिडियो सोशल मीडियावर व्हायरल होत आहे. सामन्यात मुंबईचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. राजस्थानकडून कर्णधार ४२ आणि जोस बटलरने ४१ धावा केल्या. यामुळे राजस्थानला २० षटकात ४ बाद १७१ धावा करता आल्या. वाचा- मुंबई इंडियन्सचा जलद गोलंदाज ट्रेंट बोल्टने डेथ ओव्हरमध्ये शानदार गोलंदाजी केली. याआधी अनेक वेळा मुंबईला विजय मिळवून देणाऱ्या या गोलंदाजाने पुन्हा एकदा धमाकेदार कामगिरी केली. या सामन्यात बोल्टने राजस्थान रॉयल्सचा कर्णधार संजू सॅमसनची विकेट घेतली. या विकेटची चर्चा सध्या सोशल मीडियावर सुरू आहे. वाचा- मुंबईकडून १८व्या षटकात गोलंदाजी करणाऱ्या बोल्टने चौथ्या चेंडू यॉर्कर टाकला. या चेंडूवर संजूची बोल्ड निघाली. बोल्टच्या या चेंडूवर कर्णधार रोहित शर्माने त्याचे कौतुक केले. त्याच बरोबर सोशल मीडियावर देखील बोल्टच्या गोलंदाजीचे कौतुक होत आहे. संजूने २७ चेंडूत ४२ धावा केल्या. जोस बटलर आणि यशस्वी जयसवाल यांनी राजस्थानला चांगली सुरूवात करून दिली. या दोघांनी पहिल्या विकेटसाठी ७.४ षटकात ६६ धावा करून दिल्या. बटलर ४१ धावांवर बाद झाला. त्याला राहुल चहरने बाद केले. त्यानंतर यशस्वी ३२ धावांवर माघारी परतला. त्याची विकेट देखील राहुलने घेतली. संजू आणि शिवम दुबे यांनी संघाला १५०च्या जवळ पोहोचवले. दुबे ३५ धावांवर बाद झाला. तर संजू २७ चेंडूत ४२ धावा करून माघारी परतला. वाचा- मुंबई इंडियन्सकडून राहुल चहरने सर्वाधिक २, बोल्ट आणि बुमराहने प्रत्येकी एक विकेट घेतली.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3xvpome
No comments:
Post a Comment