चेन्नई : महेंद्रसिंग धोनीच्या नेतृत्वाखालील चेन्नई सुपर किंग्स संघाला आज एक मोठा धक्का बसला होता. चेन्नईच्या संघातील वेगवान गोलंदाज जोश हेझलवूडने आयपीएल खेळणार नसल्याचे जाहीर केले. चेन्नईच्या संघाची चिंता वाढली असेल, असे सर्वांना वाटले होते. पण चेन्नईच्या संघाकडे सर्व प्रश्नांची उत्तरं आहे, असे दिसून आले आहे. कारण हेझलवूड खेळणार नसेल तर त्याच्या जागी इंग्लंडच्याच एका खेळाडूला संघात घेण्याचा विचार चेन्नईचा संघ करत आहे. हेझलवूडच्या जागी संघात स्थान देण्यासाठी दोन नावं सध्याच्या घडीला चर्चेत आहेत. यामधील पहिलं नाव म्हणजे इंग्लंडचा धडाकेबाज फलंदाज अॅलेक्स हेल्स. आतापर्यंत हेल्स हा एक धडाकेबाज फलंदाज असल्याचे सर्वांनीच पाहिले आहे. त्याचबरोबर हेल्सला संघात घेतल्यावर चेन्नईचा सलामीचा प्रश्न सुटू शकतो. त्यामुळे यावेळी हेल्सची निवड होऊ शकते, असे बऱ्याच जणांना वाटत आहे. चेन्नईचा संघ यावेळी हेझलवूडच्या जागी इंग्लंडचा वेगवान गोलंदाज मार्क वुडला संधी देऊ शकतो, असे काही जणांना वाटत आहे. कारण वुडने भारताविरुद्धच्या ट्वेन्टी-२- मालिकेत भेदक आणि अचुक गोलंदाजी केली होती. त्यामुळे चेन्नईचा संघ हेझलवूडच्या जागी वुडला संधी देण्याची सर्वाधिक शक्यता असल्याचे म्हटले जात आहे. चेन्नईकडून खेळणार ऑस्ट्रेलियाचा जलद गोलंदाज जोश हेजलवुडने आयपीएलमधून नाव मागे घेतले आहे. चेन्नईची पहिली लढत १० एप्रिल रोजी दिल्ली कॅपिटल्स विरुद्ध होणार आहे. ही लढत मुंबईत होणार आहे. गुरुवारी हेजलवुडने स्पर्धेतून नाव मागे घेण्याचा निर्णय घेतला. जोशने आयपीएलमधून माघार घेण्याचे कारण देखील स्पष्ट केले आहे. त्याला यावर्षी होणाऱ्या एशेज आणि टी-२० वर्ल्डकपसाठी स्वत:ला फिट ठेवायचे आहे. ऑस्ट्रेलियाच्या या जलद गोलंदाजाला बायो बबलच्या नियमांपासून स्वतंत्र कुटुंबासोबत काही वेळ घालवायचा आहे. हेजलेवुडने क्रिकेट.कॉम.एयू शी बोलताना सांगितले की, मी बायो बबल आणि क्वारंटाइनमध्ये १० महिने झाले राहतोय. आता क्रिकेटमधून थोडा ब्रेक घेण्याचा निर्णय घेतला आहे. ऑस्ट्रेलियात घरी पुढील दोन महिने राहणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3cCDpWS
No comments:
Post a Comment