मुंबई : सध्याच्याघडीला काही परदेशी खेळाडू आयपीएल खेळण्यास उत्सुक नसल्याचे पाहायला मिळत आहे. परदेशी खेळाडू आयपीएल खेळण्यासाठी उत्सुक का नाही, याबाबतचा मोठा खुलासा आता बीसीसीआयचे अध्यक्ष सौरव गांगुली यांनी केला आहे. आतापर्यंत जोश हेझलवूडबरोबरच बऱ्याच परदेशी खेळाडूंनी आयपीएल खेळण्यास नकार दिला आहे. हेझलवूडच्या जागी चेन्नई सुपर किंग्सच्या संघाने दोन परदेशी गोलंदाजांना ऑफर दिली होती. पण या दोन्ही परदेशी खेळाडूंनी ही ऑफर स्विकारली नाही. सध्याच्या घडीला भारतामध्ये आयपीएल खेळण्यासाठी परदेशी खेळाडू तयार नसल्याचेच पाहायला मिळत आहे. याबाबत गांगुली यांनी सांगितले की, " परदेशी खेळाडूंच्या तुलनेत भारतीय खेळाडू अधिक सहनशील असल्याचे पाहायला मिळत आहे. मी इंग्लंड, ऑस्ट्रेलिया, वेस्ट इंडिजमधील खेळाडूंबरोबर भरपूर क्रिकेट खेळलो आहे. मानसिक स्वास्थाच्या विषयावर ते लवकर हार मानत असल्याचे पाहायला मिळाले आहे. गेल्या सात महिन्यांपासून सर्वच खेळाडू हे बायो-बबलमध्ये राहत आहेत. बायो-बबलमध्ये राहणे ते सोपे नक्कीच नाही. कारण तुम्ही बायो-बबलमध्ये असताना हॉटोलमधून फक्त क्रिकेटच्या मैदानातच जाऊ शकता, अन्य कोठेही तुम्ही जाऊ शकत नाही. हे आयुष्य एकदम वेगळे आहे आणि त्याचाच त्रास त्यांना होत आहे." भारताच कर्णधार विराट कोहीलनेही काही दिवसांपूर्वी बायो-बबलमध्ये सातत्याने राहणे मानसीक स्वास्थासाठी चांगले नसल्याचे म्हटले होते. कारण खेळाडूंना फक्त हॉटेल आणि मैदानापर्यंत मर्यादीत राहावे लागते आहे. किती काळ खेळाडू याच गोष्टींमध्ये अडकून राहणार, असा प्रश्नही खेळाडूंच्या मनात आहे. त्यामुळे बायो-बबलमध्ये खेळणे हे खेळाडूंसाठी सोपे नाही. पण जर कोणतीही स्पर्धा सुरक्षितपणे खेळायची असेल तर त्याच्यासाठी बायो-बबल हे अनिवार्य आहे. कारण बायो-बबलशिवाय कोणतीही स्पर्धा यशस्वीपणे खेळवली जाऊ शकत नाही. खेळाडू सातत्याने क्वारंटाइन होत आहेत, त्यानंतर त्यांना बायो-बबलमध्ये राहावे लागत आहे. यामुळे खेळाडूंना मानसीक समस्या जाणवत असल्याचेही आता पुढे आले आहे. भारतामध्ये करोनाचे रुग्ण वाढत असल्याचे कारण देऊनही काही परदेशी खेळाडूंनी आयपीएल न खेळण्याचा निर्णय घेतला आहे. त्यामुळे आता ही आयपीएल यशस्वी होणार की नाही, याकडे सर्वांचे लक्ष नक्कीच असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2OoukYk
No comments:
Post a Comment