मुंबई : मुंबईत सध्याच्या घडीला करोनाचा तांडव सुरु आहे. करोनाचा शिरकाव वानखेडे स्डेडियमवरही झालेला आहे. पण तरीही आयपीएलचे सामने मुंबई बाहेर हलवण्यासाठी बीसीसीआय तयार असल्याचे दिसत आहे. या मागे काही मोठी कारणं दडलेली आहेत. सध्याच्या घडीला मुंबईतील करोना रुग्णांचा आकडा झपाट्याने वाटत आहे. वानखेडे स्डेडियमवर यापूर्वी १० कर्मचाऱ्यांना करोना झाल्याचे पाहायला मिळाले होते. आज पुन्हा एकदा तीन जणांना करोना झाल्याचे समोर आले आहे. वानखेडेवर १० एप्रिलला चेन्नई सुपर किंग्स आणि दिल्ली कॅपिटल्स या दोन संघांमध्ये पहिला सामना होणार आहे. पण या वातावरणातही आयपीएल मुंबईबाहेर हलवण्याचा विचार बीसीसीआय सध्याच्या घडीला करु शकत नाही. सर्वात महत्वाची गोष्ट म्हणजे जर आता मुंबईतून आयपीएलचे सामने हलवण्यात आले तर त्याचा स्पर्धेवर मोठा परिणाम होऊ शकतो. कारण आता कोणत्याही शहरात खेळाडूंना घेऊन जायचे असेल तर त्यांना किमान सात दिवस क्वारंटाइन करावे लागेल. जर तसे केले तर आयपीएलचे सामने नियोजित वेळेत होऊ शकणार नाहीत. ही गोष्ट बीसीसीआयला परवडणारी नाही. त्यामुळेच मुंबईतील सामने रद्द न करण्याचा निर्णय बीसीसीआयने घेतला आहे. सध्याच्या घडीला मुंबईत चार आयपीएचे संघ थांबलेले आहेत. प्रत्येक संघात जवळपास ३५-४० खेळाडू आहेत, म्हणजेच खेळाडूंचीच संख्या जवळपास २०० एवढी आहे. त्याचबरोबर प्रत्येक संघात प्रत्येकी १५-२० सपोर्ट स्टाफ आहे, त्यांची संख्या ५०-६० एवढी होऊ शकते. त्याचबरोबर आयपीएलचे नियोजन करणाऱ्या व्यक्तींची संख्या जवळपास १००-१५०च्या घरात आहेत. जर बीसीसीआयला मुंबईतून बाहेर सामने हलवायचे असतील तर चारशे लोकांची व्यवस्था बीसीसीआयला करावी लागणार आहे. एकाचवेळी बीसीसीआयला पंचतारांकित हॉटेलमध्ये ४०० रुम्सही घ्यावा लागतील. हा सर्व एवढा खर्च बीसीसीआयला करावा लागेल. त्याचबरोबर बायो-बबलची व्यवस्थाही बीसीसीआयला करावी लागेल. त्यामुळे सध्याच्या घडीला तरी जिथे आयपीएलचे सामने आयोजित केले आहेत तिथेच खेळवणे बीसीसीआयच्या हिताचे आहे. मुंबईत ठराविक अंतरावर क्रिकेटची स्टेडियम्स आहेत, जिथे खेळाडूंना सराव करता येत आहे. हेदेखील बीसीसीआयच्या पथ्यावर पडत असल्याचे दिसत आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3rYUnDc
No comments:
Post a Comment