मुंबई : दिल्ली कॅपिटल्सच्या संघातील महत्वाचा फलंदाज असेलल्या अजिंक्य रहाणेचा एक व्हिडीओ सध्याच्या घडीला चांगलाच व्हायरल झाल्याचे पाहायला मिळत आहे. कारण यावेळी बॅट नतानाही अजिंक्यचा फलंदाजीचा सराव करत असल्याचे पाहायला मिळत आहे. अजिंक्यने यावेळी बॅट नसतानाही कसा सराव केला आहे, हे पाहण्यासाठी चाहते उत्सुक आहेत. अजिंक्य दिल्लीच्या संघाचा एक अविभाज्य भाग आहे. कारण अजिंक्यकडे आंतरराष्ट्रीय क्रिकेटचा चांगला अनुभव आहे. त्याचबरोबर अजिंक्यने आयपीएलमध्ये कर्णधारपदही भूषवले आहे. पण यावेळी अजिंक्यला रिषभ पंतच्या नेतृत्वाखाली आयपीएलमध्ये खेळावे लागणार आहे. कारण श्रेयस अय्यर दुखापतीमुळे यावर्षी आयपीएल खेळू शकणार नाही. अजिंक्य रहाणेच्या आजी झेलूबाई बाबूराव राहाणे यांचे सोमवारी निधन झाले. वृद्धापकाळामुळे त्यांचे निधन झाले.अजिंक्यसाठी आजी ही कुटुंबातील सर्वात जवळची व्यक्ती होती. एखाद्या मोठ्या दौऱ्यानंतर अजिंक्य आपल्या आजीला भेटायला जायचा. त्यामुळेच अजिंक्यचे पाय कायम जमिनीवर राहीचे, असेही म्हटले जायचे. अजिंक्यला आपल्या आजीची आणि गावाची ओढ लहानपणापासून होती. भारताचा कर्णधार झाल्यावरही तो आपल्या आजीपासून दुरावला नाही. व्यस्त क्रिकेटच्या कार्यक्रमातून वेळ काढून अजिंक्य आपल्या आजीची भेट घ्यायला गावी जायचा. त्यामुळे अजिंक्यचे त्याच्या आजीबरोबर फारच चांगले नाते होते. दिल्लीच्या संघातील पृथ्वी शॉबाबत प्रवीण अमरे काय म्हणाले, पाहा...सध्याच्या घडीला पृथ्वी चांगल्या फॉर्मात आहे. कारण त्याने एक महत्वाचा बदल केला आहे. याबाबत प्रवीण अमरे यावेळी म्हणाले की, " सध्याच्या घडीला पृथ्वीमध्ये चांगला आत्मविश्वास दिसत आहे आणि आमच्यासाठी ते महत्वाचे आहेत. पृथ्वी सध्याच्या घडीला नेट्समध्ये सर्वाधिक काळ व्यतित करत आहे. पृथ्वी आता सर्वात पहिल्यांदा दुपारी तीन वाजता नेट्समध्ये येतो आणि अधिकाधिक चेंडूंचा सामना करण्यावर त्याचा भर असतो. विजय हजारे ट्रॉफीमध्ये त्याने फक्त आठ सामन्यांमध्ये ८००पेक्षा जास्त धावा केल्या होत्या. हा फरक आता पृथ्वीमध्ये पाहायला मिळाला आहे. त्याचा हा फॉर्म असाच कायम राहीला तर त्याचा संघाला निश्चितच फायदा होणार आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3urNX17
No comments:
Post a Comment