मुंबई : मुंबईमध्ये रात्री आठ वाजल्यानंतर जमावबंदी लावण्यात आली आहे. पण त्याचवेळी रात्री आठ वाजल्यानंतर आयपीएलचा सराव बंद होणार का, असा प्रश्न काही जणांना पडला होता. पण आता महाराष्ट्राच्या सरकारने याबाबत आपले मत व्यक्त केले आहे. याबाबतचा खुलासा बीसीसीआयचे अधिकारी श्रीरंग घोलप यांनी केला आहे. न्यूज-१८ या हिंदी वेवसाइटनुसार घोलप यांनी सांगितले की, " सध्याच्या घडीला आयपीएलचे काही संघ मुंबईत सराव करत आहेत. आयपीएलचे काही सामने रात्री खेळवण्यात येणार आहेत. त्यामुळे आयपीएलच्या संघांना दोन सत्रांमध्ये सराव करण्याची परवानगी देण्यात आली आहे. आयपीएचे खेळाडू दुपारी चारपासून संध्याकाळी ६.३० वाजेपर्यंत सराव करू शकतात. त्याचबरोबर रात्री ७.३० पासून ते १० वाजेपर्यंत खेळाडूंना सराव करण्याची मुभा देण्यात आली आहे." मुंबईमध्ये आयपीएलचे एकूण १० सामने होणार आहेत आणि हे सर्व सामने वानखेडे स्डेडियमवर खेळवले जाणार आहेत. वानखेडे मैदानात पहिला सामना १० एप्रिलला चेन्नई सुपर किंग्स आणि दिल्ली कॅपिटल्स यांच्यामध्ये होणार आहे. आयपीएल स्पर्धा जवळ आली असताना देशातील करोना रुग्णांची संख्या वाढत चालली आहे. देशातील सर्वाधिक करोना रुग्ण महाराष्ट्रात आणि मुंबईत आहेत. अशा स्थितीत वानखेडेवर आयपीएलचे सामने होतील का याबाबत शंका व्यक्त केली जात होती. यासंदर्भात राज्य सरकार कोणता निर्णय घेते याकडे सर्वांचे लक्ष्य होते. अखेर राज्य मंत्रिमंडळाने आयपीएलचे सामने मुंबईतील वानखेडे मैदानावर होण्यास हिरवा कंदील दिला आहे. कॅबिनेट मंत्री नवाब मलिक यांनी सोमवारी ही माहिती दिली. राज्य सरकारने एक दिवस आधी करोना संदर्भातील नवे नियम जाहीर केले आहेत. मलिक यांनी यावेळी एएनआय वृत्तसंस्थेशी बोलताना सांगितले की, " ही परवानगी अनेक अटींसह देण्यात आली आहे. मैदानावर प्रेक्षकांना प्रवेश दिला जाणार नाही. जे आयपीएलमध्ये सहभागी होणार आहेत त्यांना एका ठिकाणी आयसोलेशनमध्ये रहावे लागले. कोणत्याही परिस्थितीत गर्दी होता कामा नये या अटींवर परवानगी दिली आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3rVqOCu
No comments:
Post a Comment