चेन्नई : अजिंक्य रहाणेच्या आजी झेलूबाई बाबूराव राहाणे यांचे आज निधन झाले. अजिंक्यसाठी आजी ही कुटुंबातील सर्वात जवळची व्यक्ती होती. एखाद्या मोठ्या दौऱ्यानंतर अजिंक्य आपल्या आजीला भेटायला जायचा. त्यामुळेच अजिंक्यचे पाय कायम जमिनीवर राहीचे, असेही म्हटले जायचे. अजिंक्यला आपल्या आजीची आणि गावाची ओढ लहानपणापासून होती. भारताचा कर्णधार झाल्यावरही तो आपल्या आजीपासून दुरावला नाही. व्यस्त क्रिकेटच्या कार्यक्रमातून वेळ काढून अजिंक्य आपल्या आजीची भेट घ्यायला गावी जायचा. त्यामुळे अजिंक्यचे त्याच्या आजीबरोबर फारच चांगले नाते होते. पण आज सकाळी ८ वाजून ५० मिनिटांनी त्यांची प्राणज्योत मालवली. वृद्धापकाळामुळे त्यांचे निधन झाले. ही वार्ता जेव्हा सोशल मीडियाच्या माध्यमातून पसरली तेव्हा यामध्ये तथ्य आहे किंवा नाही, याबाबत आम्ही पडताळणी केली. अजिंक्यचे बाबा मधुकर बाबूराव रहाणे यांनी या वृत्ताला दुजोरा दिला आहे. अजिंक्य सध्याच्या घडीला आयपीएलची तयारी करत होता. अजिंक्य आयपीएलमध्ये दिल्ली कॅपिटल्सच्या संघात आहे. दिल्ली कॅपिटल्सचा पहिला सामना १० एप्रिलला वानखएडे स्टेडियमवर रंगणार आहे. या सामन्यासाठी तयारी करत असताना अजिंक्यला ही वाईट बातमी समजली आहे. गणेश रहाणे यांनी याबाबतचे वृत्त सोशल मीडियावर पोस्ट केले होते. त्यानंतर ही बातमी सर्वांना समजली आहे. करोनाच्या संसर्गामुळे सर्वांनी घरी राहूनच झेलूबाई बाबूराव राहाणे यांना श्रद्धांजली वाहावी, असेही या पोस्टमध्ये लिहिण्यात आले आहे. अजिंक्यने काही दिवसांपूर्वी झालेल्या एका मुलाखतीमध्ये आजीला भेटायची खूप इच्छा असल्याचे म्हटले होते. संगमनेरला कधी जाणार, याबाबत अजिंक्यला काही दिवसांपूर्वी एका मुलाखतीध्ये विचारण्यात आले होते. त्यावेळी अजिंक्य म्हणाला होता की, " करोनीचा परिस्थिती सुधारल्यावर मी आजीला भेटायला जाणार आहे. माझी आजी संगमनेरला असते. तिला भेटायची माझी इच्छा आहे. पण सध्याच्या करोनाच्या काळात मला तिला भेटता आलेले नाही. त्यामुळे करोनाची परिस्थिती सुधारली की लगेचच मी माझ्याआजीची भेट घेण्यासाठी संगमनेर येथे जाणार आहे.."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3mjykWJ
No comments:
Post a Comment