मुंबई : मुंबई इंडियन्सचा सलामीवीर क्विंटन डीकॉक आता पहिल्या सामन्याला मुकणार असल्याचे जवळपास स्पष्ट झालेले आहे. पण जर आता डीकॉक पहिल्या सामन्यात खेळणार नसेल तर त्याच्याजागी सलामीला कोणाला पाठवायचे हा मुंबई इंडियन्ससाठी मोठा प्रश्न असेल. पण मुंबई इंडियन्सच्या संघाकडे याबाबत काही पर्याय उपलब्ध आहेत. जर डीकॉक पहिला सामना खेळणार नसेल तर इशान किशनला सलामी करण्याची संधी देण्यात येऊ शकते. कारण यापूर्वी भारतीय संघाकडून खेळताान इशानने सलामीची जबाबदारी पार पाडली आहे. भारताकडून सलामीला येताना इशानने धडाकेबाज खेळी साकारली होती. त्यामुळे इशान हा मुंबई इंडियन्ससाठी चांगला पर्याय ठरू शकतो. पण सलामीला येऊन इशान किशन यष्टीरक्षण करू शकणार का हे पाहावे लागेल. नाहीतर मुंबई इंडियन्सला दुसरा पर्याय निवडावा लागले. मुंबई इंडियन्ससाठी दुसरा पर्याय असेल तो ख्रिल लिनचा. आतापर्यंत लिनने केकेआरकडून खेळताना चांगली कामिगिरी केली आहे. त्यामुळेच त्याला मुंबई इंडियन्सने आपल्या ताफ्यात दाखल करुन घेतलेले आहे. पण मुंबई इंडियन्सने ख्रिसला अजूनही संधी दिलेली नाही. त्यामुले मुंबई इंडियन्सच्या संघाकडे ख्रिसला चाचपडून घेण्याची ही चांगली संधी असेल. त्यामुळे ख्रिसला डीकॉकच्या जागी सलामीला आणले जाऊ शकते. पण जर ख्रिसने धडाकेबाज सलामी दिली तर डीकॉकचे काय करायचे, हा प्रश्नही मुंबई इंडियन्सला सतावू शकतो. त्यामुळे डीकॉकच्या जागी नेमकी कोणत्या खेळाडूची सलामीसाठी निवड केली जाते, याची उत्सुकता सर्वांनाच असेल. डीकॉक सध्याच्या घडीला पाकिस्तानविरुद्धच्या मालिकेत खेळत आहे. ही मालिका येत्या काही दिवसांत संपणार आहे. पण त्यानंतर डीकॉक जर भारतामध्ये आला तरी त्याला मुंबई इंडियन्सचा पहिला सामना खेळता येणार नाही. कारण कोणत्याही खेळाडूला बायो-बबलमध्ये जायचे असेल तर त्याला सात दिवस क्वारंटाइन राहावे लागणार आहे. त्यामुळे सात दिवसांच्या क्वारंटाइननंतर जर डीकॉक करोना चाचणीमध्ये निगेटीव्ह आला तरच त्याला मुंबई इंडियन्सकडून खेळण्याची संधी दिली जाणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3sVPmwv
No comments:
Post a Comment