चेन्नई : आयपीएलसाठी आता एकामागून एक खेळाडू भारतामध्ये दाखल होत आहेत. भारतीय चाहत्यांचा सर्वात आवडता क्रिकेटपटू एबी डिव्हिलियर्स आयपीएल खेळण्यासाठी भारतामध्य दाखल झाला आहे. यावेळी डिव्हिलियर्सने दमदार एंट्री घेतली असून त्याचा व्हिडीओ चांगलाच व्हायरल झाला आहे. आरसीबीच्या संघाने यावेळी डिव्हिलियर्सचा एक व्हिडीओ शेअर केला आहे. यामध्ये डिव्हिलियर्स भारतामध्ये दाखल झाल्याचे पाहायला मिळत आहे. आयपीएलसाठी जिथे आरसीबीचा संघ थांबलेला आहे, त्या हॉटेलमध्ये डिव्हिलियर्सने प्रवेश केला. यावेळी डिव्हिलियर्सने आपली प्रतिक्रीयाही व्यक्त केली आहे. यावेळी डिव्हिलियर्स म्हणाला की, " सध्याच्या वातावरणात मी पूर्णपणे सुरक्षितपणे आयपीएलसाठी भारतामध्ये दाखल झालो आहे. आयपीएलची उत्सुकता तमाम क्रिकेट चाहत्यांना नक्कीच असेल. त्यामुळे यावेळी सर्वात दमदार कामगिरी करण्याचा आमचा प्रयत्न असेल. येत्या काही दिवसांमध्येच आयपीएलचा थरार सर्वांना अनुभवता येणार आहे." आरसीबीच्या संघाने ग्लेन मॅक्सवेलला आरसीबीने आपल्या संघात दाखल करुन घेतले. पण मॅक्सवेलसाठी आता आरसीबीचा संघ एक खास प्लॅन आखत आहे. आता एवढी मोठी रक्कम मॅक्सवेलसाठी आरसीबीने मोजली आहे, त्यामुळे त्याच्या कामगिरीचा कसा उपयोग करायचा हे आरसीबीने ठरवले आहे. पण मॅक्सवेलसाठी आता कोहलीला एक महत्वाची गोष्ट सोडावी लागणार आहे. या हंगामात कोहलीला आपले तिसरे स्थान सोडावे लागणार आहे. कारण कोहली आपले खास तिसरे स्थान सोडून सलामीला येणार आहे. त्यामुळे मॅक्सवेलसाठी कोहली आता सलामीला येणार असून मॅक्सवेल आरसीबीच्या संघात नेमकी कशी कामगिरी करतो, याकडे सर्वांचे लक्ष लागलेले असेल. यापूर्वी कोहली २०१६ साली सलामीवीर म्हणून आरसीबीसाठी खेळला होता. यावेळी सलामीला येताना कोहलीने धावांची उधळण केली होती. कोहलीने या मोसमात तब्बल ९७३ धावा केल्या होत्या, यामध्ये सात अर्धशतकांचा समावेश होता. त्याचबरोबर या वर्षी आरसीबीचा संघ आयपीएलच्या अंतिम फेरीतही पोहोचला होता. पण आतापर्यंत कोहलीच्या नेतृत्वाखाली आरसीबीच्या संघाला एकदाही जेतेपद पटकावता आलेले नाही. त्यामुळे यावेळी आरसीबीचा संघ कशी कामगिरी करतो, याकडे सर्वांच लक्ष असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3cGcMR1
No comments:
Post a Comment