मुंबई : इंग्लंडचा अष्टपैलू क्रिकेटपटू मोईन अलीबाबत बांगलादेशच्या लेखिका तस्लिमा नसरिन यांनी एक वादग्रस्त विधान केल्याचे समोर आले आहे. मोईन अली हा सिरीयामधील आयसीस या दहशतवादी संघटनेत असला असला, असे वक्तव्य नसरिन यांनी केले आहे. मोईन अलीने नेमकं काय म्हटलं होतं... मोईन अलीने इस्लामबाबत एक भाषण केलं होतं, त्यामध्ये मोइनने म्हटलं होतं की, " मी मुसलमान असल्याचा मला अभिमान आहे. हा धर्म मानवता शिकवतो." नरसिन यांनी नेमकं काय म्हटले आहे, पाहा... तस्लिमा नसरिन यांनी मोईन अलीबाबत एक वादग्रस्त ट्विट केले आहे. या ट्विटमध्ये त्यांनी म्हटले आहे की, " जर मोईन अली इंग्लंडकडून क्रिकेट खेळत नसला असता तर तो सिरियामधील आयसीस या दहशवादी संघटनेत असला असता." तस्लिमा नसरिन यांच्या या ट्विटमुळे चांगलाच वाद भडकला आहे. या वादाचे पडसाद इंग्लंडच्या संघामध्येही उमटले आहेत. पण त्यानंतर मी मस्करीमध्ये मोइनबाबत असं वक्तव्य केलं होतं, असं तस्लिमा नसरिन यांनी म्हटलं होतं. त्यानंतर इंग्लंडचा वेगवान गोलंदाज जोफ्रा आर्चरने या प्रकरणात उडील घेतली आहे. आर्चरने तस्लिमा नसरिन यांना म्हटलं आहे की, " " मला नाही वाटतं तुम्ही जे केलं ते योग्य केलं आहे. ही काही हसण्याची गोष्ट नाही आणि कोणीही यावर हसत नाही. त्यामुळे तुम्ही हे ट्विट लवकरात लवकर डिलीट करून टाकायला हवं." नेमकं काय घडलं होतं, पाहा...चेन्नई सुपर किंग्जच्या जर्सीवर एका मद्य विक्री करणाऱ्या कंपनीचा लोगो आहे. मोइन अलीने संघ व्यवस्थापनाला विनंती केली आहे की, त्याच्या जर्सीवरील या कंपनीचा लोगो काढून टाकावा. मोइन मुस्लीम आहे आणि हा धर्म मद्य सेवन करण्यास परवानगी देत नाही. त्यामुळेच त्याने मद्य विक्री करणाऱ्या कंपनीचा लोगो जर्सीवर नको असे म्हटले आहे. मोइन अली इंग्लंड किंवा अन्य कोणत्याही देशांतर्गत संघाकडून खेळताना देखील मद्य विक्री करणाऱ्या कंपनीचे समर्थन करत नाही. तो जगभरातील विविध स्पर्धेतून खेळत असतो. पण मद्याच्या कंपनीचे कधीच प्रमोशन करत नाही. आयपीएलमध्ये सीएसकेच्या जर्सीवर देखील SNJ 10000 चा लोगो आहे. चेन्नईमधील SNJ डिस्टिलरीज या कंपनीचा हा लोगो आहे. चेन्नई संघाने अलीची विनंतीमान्य केली असून त्याच्या जर्सीवर हा लोगो असणार नाही. त्यामुळे चेन्नईच्या अन्य खेळाडूंपेक्षा अलीची जर्सी थोडी वेगळी दिसणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3sW9df7
No comments:
Post a Comment