मुंबई : मुंबई इंडियन्स आणि आरसीबी यांच्यामध्ये यंदाच्या आयपीएलमधील पहिला सामना ९ एप्रिलला चेन्नईमध्ये खेळवण्यात येणार आहे. मुंबई इंडियन्सला पहिल्या सामन्यासाी संघ निवडताना काही बदल करावे लागणार आहे. कारण सलामीवीर क्विंटन डीकॉक हा पहिल्या सामन्यात खेळू शकणार नाही. त्यामुळे डीकॉकच्या जागी आता कोणाला संधी मिळते, याची उत्सुकता सर्वांनाच असेल. त्याचबरोबर पहिल्या सामन्यात मुंबई इंडियन्स अर्जुन तेंडुलकरला संधी देणार का, याकडे सर्वांचे लक्ष लागलेले असेल. डीकॉकला भारतात आल्यावर क्वारंटाइनमध्ये राहावे लागणार आहेत, त्यामुळे त्याला पहिला सामना खेळता येणार नाही. यावेळी डीकॉकच्या बदली दोन पर्याय मुंबई इंडियन्सकडे आहेत. पहिला पर्याय म्हणजे इशान किशनचा. कारण यापूर्वी भारतीय संघाकडून खेळताना इशानने सलामीची जबाबदारी चोख पार पाडली आहे. त्याचबरोबर ख्रिस लीन हा दुसरा पर्याय होऊ शकतो. कारण लीनला आतापर्यंत मुंबईच्या संघाने संधी दिलेली नाही. त्यामुळे लीनच्या नावावर सलामीवीर म्हणून शिक्कामोर्तब होण्याची सर्वात जास्त शक्यता आहे. रोहित शर्माबरोबर यावेळी ख्रिस लीन हा सलामीला येऊ शकतो. त्यानंतर तिसऱ्या स्थानावर सूर्यकुमार यादवची जागा जवळपास निश्चित आहे. त्यानंतर मधल्या फळीत इशान किशन, हार्दिक पंड्या, कायरन पोलार्ड, कृणाल पंड्या यांचा समावेश होऊ शकतो. यावेळी मुंबई इंडियन्सच्या यष्टीरक्षणाची जबाबदारी ही इशान किशनवरच सोपवण्यात येणार आहे. मुंबई इंडियन्सच्या गोलंदाजीमध्ये जास्त बदल होणार नसल्याचेच दिसत आहे. कारण जसप्रीत बुमरा आणि ट्रेंट बोल्ट ही जोडी मुंबई इंडियन्सच्या गोलंदाजीचे सारथ्य करेल. त्याचबरोबर नॅथन कल्टर नाइल हा एक चांगला अष्टपैलू खेळाडूचा पर्याय मुंबई इंडियन्सकडे उपलब्ध आहे आणि त्याला पहिल्या सामन्यात संधी मिळू शकेल. त्याचबरोबर फिरकीपटू म्हणून राहुल चहरचा या संघात समावेश होऊ शकतो. मुंबई इंडियन्सचा संघ : रोहित शर्मा (कर्णधार), ख्रिस लीन, सूर्यकुमार यादव, इशान किशन, हार्दिक पंड्या, कायरन पोलार्ड, कृणाल पंड्या, राहुल चहर, ट्रेंट बोल्ट, जसप्रीत बुमरा आणि नॅथन कल्टर नाइल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3fQlnlN
No comments:
Post a Comment