चेन्नई : मुंबई इंडियन्सने यावर्षीच्या आयपीएलच्या लिलावात मार्को जॅन्सन या दक्षिण आफ्रिकेच्या खेळाडूला संघात स्थान दिले. ही गोष्ट आतापर्यं तुम्हाला माहिती नसेल. पण मुंबई इंडियन्सने या अष्टपैलू खेळाडूला यावेळी संघात स्थान दिले खरे, पण आतापर्यंत मार्कोने नेमकी कशी कामगिरी केली आहे. त्याचबरोबर कोणत्या चमकदार कामगिरीच्या जोरावर मार्कोला मुंबई इंडियन्सने आपल्या संघात स्थान दिले, हा प्रश्न आता सर्वांनाच पडला असेल. मार्कोने 'लिस्ट ए' सामन्यांमध्ये २०१७-१८ साली पदार्पण केले होते. त्याचबरोबर दक्षिण आफ्रिकेच्या युवा (१९-वर्षांखालील) संघाचे प्रतिनिधीत्वही मार्कोने केले केलेले आहे. या युवा संघाकडून मार्को हा भारताच्या दौऱ्यावरही आला होता. प्रोव्हिन्शियल चषकातील सहा सामन्यांमध्ये त्याने २७ बळी मिळवले आणि तो प्रकाशझोतात आला. दक्षिण आफ्रिकेत झालेल्या ट्वेन्टी-२० चॅलेंज स्पर्धेतही मार्को दरबान हिट्स या संघाकडून खेळला आहे. यावर्षी पाकिस्तानविरुद्धच्या कसोटी सामन्यांच्या मालिकेसाठी मार्कोची दक्षिण आफ्रिकेच्या संघात निवड झाली होती. त्यानंतर फेब्रुवारी महिन्यात झालेल्या आयपीएलच्या लिलावात मुंबई इंडियन्सच्या संघाने मार्कोला आपल्या संघात दाखल करुन घेतले आहे. मार्को हा डावखुरा वेगवान गोलंदाज आहे, त्याचबरोबर तो उपयुक्त फलंदाजीही करू शकतो. त्यामुळे मुंबई इंडियन्ससाठी मार्को हा चांगला अष्टपैलू खेळाडूचा पर्याय ठरू शकतो. कदाचित काही दिवसांनी कायन पोलार्ड जर संघात दिसला नाही तर त्याची जागा युवा मार्कोही घेऊ शकतो, असे काही जणांना वाटत आहे. त्यामुळे आता मार्कोला यावर्षीच्या आयपीएलमध्ये संधी मिळणार का, याची उत्सुकता चाहत्यांना असेल. मुंबई इंडियन्सचा संघ : रोहित शर्मा (कर्णधार), आदित्य तरे, अनमोलप्रीत सिंग, अनुकूल रॉय, धवल कुलकर्णी, हार्दिक पंड्या, इशान किशन, जयप्रीत बुमराह, जयंत यादव, कायरन पोलार्ड, कृणाल पंड्या, क्विंटन डीकॉक, राहुल चहर, ट्रेंट बोल्ट, पीयुष चावला, अॅडम मिल्ने, नॅथन कल्टर-नाइल, जेम्स नीशाम, युधवीर सिंग, मार्को जेनसेन आणि अर्जुन तेंडुलकर. मुंबई इंडियन्सचे वेळापत्रक ९ एप्रिल- विरुद्ध RCB- चेन्नई १३ एप्रिल- विरुद्ध KKR- चेन्नई १७ एप्रिल- विरुद्ध SRH- चेन्नई २० एप्रिल- विरुद्ध DC- चेन्नई २३ एप्रिल- विरुद्ध PBKS-चेन्नई २९ एप्रिल- विरुद्ध RR- दिल्ली १ मे- विरुद्ध CSK- दिल्ली ४ मे- विरुद्ध SRH- दिल्ली ८ मे- विरुद्ध RR- दिल्ली १० मे- विरुद्ध KKR- बेंगळुरू १३ मे- विरुद्ध PBKS- बेंगळुरू १६ मे- विरुद्ध SK- बेंगळुरू २० मे- विरुद्ध RCB- कोलकाता २३ मे- विरुद्ध DC- कोलकाता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3sM9AJ3
No comments:
Post a Comment