चेन्नई : आरसीबीचा कर्णधार विराट कोहली आज चांगलाच भडकलेला पाहायला मिळाला. कोहलीला यावेळी राग चांगलाच अनावर झाला होता. त्यामुळे रागाच्या भरात त्याने आपल्या बॅटने काही गोष्टी फोडण्याचा प्रयत्न केला. या गोष्टीचा व्हिडीओ आता चांगलाच व्हायरल झाला आहे. आजच्या सनरायझर्स हैदाराबादविरुद्धच्या सामन्यात विराट कोहली ३३ धावांवर बाद झाला. यापूर्वी मुंबई इंडियन्सबरोबर झालेल्या सामन्यातही कोहलीला ३३ धावाच करता आल्या होत्या. या सामन्यातही तेवढ्याच धावा करता आल्याने कोहली चांगलाच भडकलेला पाहायला मिळाला. यावेळी मैदानातून पॅव्हेलियनमध्ये जात असताना कोहलीने आपला राग मैदानात काढल्याचे पाहायला मिळाले. विराटवर आता कारवाई होणार का, याकडे चाहत्यांचे लक्ष लागलेले असेल. विराट कोहलीला यावेळी जेसन होल्डरने बाद केले. कोहलीने चार चौकारांच्या जोरावर ३३ धावा केल्या. बाद झाल्यावर विराट सीमेरेषेजवळ पोहोचला. पहिल्यांदा कोहलीने सीमेरेषेवर आपली बॅट आपटली. त्यानंतर तिथेचे खेळाडू डगआऊटमध्ये बसले होते. त्यावेळी डगआऊटमध्ये एक खुर्ची रिकामी होती. कोहलीने त्या खुर्चीवर आपला राग काढला. कोहलीने आपल्या हातातील बॅट त्या खुर्चीवर आपटली आणि ती फोडण्याचा प्रयत्न केला. या गोष्टीचा व्हिडीओ सध्याच्या घडीला चांगलाच व्हायरल झालेला पाहायला मिळत आहे. या सामन्यात सनरायझर्स हैदराबादच्या संघाने नाणेफेक जिंकली आणि आरसीबीला प्रथम फलंदाजीसाठी पाचारण केले. यावेळी देवदत्त पडीक्कल हा आपला पहिलाच सामना खेळत होता. पहिल्याच सामन्यात पडीक्कलला ११ धावांवरच समाधान मानावे लागले. पडीक्कल बाद झाल्यावर शाहबाद अहमद फलंदाजीला आला आणि त्याने १४ धावा केल्या. हे दोघेही बाद झाल्यावर ग्लेन मॅक्सवेल फलंदाजीला आला. त्यावेळी कोहली आणि मॅक्सवेल यांच्यामध्ये चांगली भागीदारी होईल, असे वाटत होते. पण त्यावेळी मोक्याच्या क्षणी कोहली बाद झाला आणि आरसीबीला मोठा धक्का बसला. कोहली बाद झाल्यावर काही चेंडूंतच एबी डिव्हिलियर्सही बाद झाला आणि आरसीबीचा संघ अडचणीत सापडला. पण त्यानंतर मॅक्सवेलने अर्धशतक झळकावले आणि आरसीबीला हैदराबादपुढे १५० धावांचे आव्हान ठेवता आले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3uOAkZT
No comments:
Post a Comment