मुंबईने उगाच नाही पाच विजेतेपद मिळवली; विजयानंतर सेहवागने शेअर केला हा व्हिडिओ

चेन्नई: आयपीएलच्या १४व्या हंगामात काल (१३ एप्रिल) मुंबई इंडियन्सने कोलकाता नाइट रायडर्सवर १० धावांनी विजय मिळवला. प्रथम फलंदाजी करत फक्त १५२ धावा करणाऱ्या मुंबई इंडियन्सला विजय मिळवता येईल असे वाटले नव्हते. पण पाच वेळा आयपीएल जिंकणाऱ्या संघाने पराभव होणाऱ्या सामन्यात विजय कसा मिळवायचा हे दाखवून दिले. विजयासाठी १५३ धावांची गरज असताना कोलकाताने नवव्या षटकात ७२ धावा केल्या होत्या. सलामीची जोडी शुभमन गिल आणि नितिश राणा यांनी शानदार सुरूवात करून दिल्यानंतर देखील KKRचा पराभव झाला. ७२ वर पहिली विकेट पडल्यानंतर त्यांचा डाव कोसळला. राणा ४७ आणि गिल ३३ वगळता एकालाही दुहेरी धावसंख्या करता आली नाही. वाचा- ... फलंदाजांनी अपेक्षे प्रमाणे कामगिरी केली नाही. पण गोलंदाजांनी पराभव निश्चित असलेल्या सामन्यात विजय मिळवून दिला. अखेरच्या ४ षटकात कोलकाताला विजयासाठी फक्त २७ धावा हव्या होत्या आणि हातात सात विकेट होत्या. तरी देखील त्याचा पराभव झाला. मुंबईकडून १९वे षटक जसप्रीत बुमहारने टाकले त्याने फक्त ४ धावा दिल्या आणि कोलकाताला अडचणीत टाकले. अखेरच्या षटकात बोल्टने फक्त ३ धावा दिल्या आणि संघाला १० धावांनी विजय मिळवून दिला. या विजयानंतर सोशल मीडियावर एका पेक्षा एक रिएक्शन येत आहेत. यात सर्वात चर्चेत आली ती माजी क्रिकेटपटू विरेंद्र सेहवागची प्रतिक्रिया होय. सेहवागच्या सोशल मीडियावरील पोस्ट या मजेशीर असतात. त्याने मधील स्टार अंडरडेकरचा एक व्हिडिओ शेअर केला. या व्हिडिओत त्याने कोलकाता संघाला टोला लगावला. अखेरच्या पाच षटकात मुंबई इंडियन्स पराभवातून बाहेर पडली. मुंबईने हंगामातील पहिली लढत गमावली होती. दुसऱ्या लढतीत देखील त्यांचा पराभव झाला असता पण गोलंदाजांनी आणि मुंबईने हे सिद्ध करून दाखवले की ते का या स्पर्धेतील सर्वात यशस्वी संघ आहेत. काय झाले सामन्यात पाहा-

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3shsGWu