नवी दिल्ली : दक्षिण आफ्रिका आणि पाकिस्तान यांच्यात झालेल्या वनडे मालिकेत पाकने २-१ असा विजय मिळवला. अखेरच्या आणि तिसऱ्या वनडेत पाकिस्तानने ३२१ धावा केल्या होत्या. पण आफ्रिकेचा डाव ३ चेंडू शिल्लक असताना २९२ धावांवर संपुष्ठात आला. वाचा- पाकिस्तानविरुद्धच्या तिसऱ्या वनडेत दक्षिण आफ्रिकेच्या संघातील क्विंटन डी कॉक, कगीसो रबाडा सारखे स्टार खेळाडू नव्हते. संघातील महत्त्वाचे खेळाडू आयपीएलचा १४वा हंगाम खेळण्यासाठी भारतात आले आहेत. आफ्रिकेच्या संघात महत्त्वाचे खेळाडू नसताना पाकिस्तानने हा विजय मिळवला. वनडे मालिकेनंतर आता दोन्ही संघात टी-२० मालिका होणार आहे. वाचा- अखेरच्या वनडे प्रमाणे चार सामन्यांच्या वनडे मालिकेत डी कॉक, रबाडा, डेव्हिड मिलर, एनरिक नोर्तजे आणि लुंगी नगिदी आदी खेळाडू संघात नसतील. देशाची मालिका सुरू असताना आफ्रिकेच्या बोर्डाने या महत्त्वाच्या खेळाडूंना आयपीएल खेळण्यास परवानगी दिली आहे. वाचा- आफ्रिकेच्या बोर्डाच्या या निर्णयावर पाकिस्तानचा माजी क्रिकेटपटू शाहीद आफ्रिदीने टीका केली आहे. मला हे पाहून धक्काच बसला ही दक्षिण आफ्रिकेच्या क्रिकेट बोर्डाने खेळाडूंना मालिकेच्या मध्येच आयपीएल खेळण्यासाठी परवानगी दिली. टी-२० लीग आंतरराष्ट्रीय क्रिकेटवर वर्चस्व मिळवत आहे हे पाहून वाइट वाटते. याचा पुन्हा एकदा विचार करण्याची गरज आहे. वनडे मालिकेतील पहिली लढत पाकने जिंकली होती. त्यानंतर दुसऱ्या लढतीत आफ्रिकेने १७ धावांनी विजय मिळवत मालिका बरोबरीत केली होती. आता दोन्ही संघात १० एप्रिलपासून ४ सामन्यांची टी-२० मालिका होणार आहे. आयपीएलची सुरूवात उद्यापासून (९ एप्रिल ) होणार आहे. या पहिल्या सामन्यात मुंबई इंडियन्सकडून डी कॉक खेळणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3wzCoH0
No comments:
Post a Comment