IPL 2021: हे आहेत आजवरचे हिरो; या वर्षी कोण बाजी मारणार, जाणून घ्या...

मुंबई: आयपीएल (2021) च्या १४व्या हंगामाला उद्या ९ एप्रिलपासून सुरूवात होत आहे. आणि रॉयल चॅलेंजर्स बेंगळुरू यांच्यात पहिली मॅच होणार असून अंतिम लढत ३० मे रोजी अहमदाबादमधील नरेंद्र मोदी स्टेडियमवर होणार आहे. २००८ साली सुरू झालेल्या आणि आज आयपीएल जगातील सर्वात लोकप्रिय आणि श्रीमंत स्पर्धा म्हणून नावारुपाला आली आहे. आयपीएलला सुरूवात झाली ती २००८ साली झालेल्या या स्पर्धेचे आतापर्यंत १३ हंगाम झाले आहेत. गेल्या वर्षी म्हणजे २०२० मध्ये करोनामुळे ही स्पर्धा युएईमध्ये खेळवण्यात आली होती. वाचा- पहिल्या हंगामापासून आयपीएलमध्ये आठ संघ खेळतत आहे. २००८च्या पहिल्या हंगामात अंतिम फेरीत राजस्थान रॉयल्स आणि यांच्यात अंतिम लढत झाली होती. या सामन्यात शेन वॉनच्या नेतृत्वाखाली राजस्थानने चेन्नईचा ३ विकेटनी पराभव केला. दुसऱ्या हंगामात डेक्कन चार्जर्सने रॉयल चॅलेंजर्स बेंगळुरूचा ६ धावांनी पराभव करत विजेतेपद मिळवले. २०१० साली झालेल्या आयपीएलच्या तिसऱ्या हंगामात चेन्नई सुपर किंग्जने बाजी मारली. अंतिम सामन्यात त्यांनी मुंबई इंडियन्सचा २२ धावांनी पराभव करून पहिले विजेतेपद मिळाले. त्यानंतर २०११ साली चेन्नईने पुन्हा एकदा बाजी मारली. यावेळी त्यांनी रॉयल चॅलेंजर्स बेंगळुरूचा ५८ धावांनी पराभव केला. धोनीच्या नेतृत्वाखाली चेन्नईने सलग दोन विजेतेपद मिळवली. वाचा- २०१२ च्या अंतिम फेरीत कोलकाता नाइट रायडर्सने चेन्नई सुपर किंग्जचा ५ विकेटनी पराभव केला आणि पहिले जेतेपद मिळवले. यामुळे चेन्नईची विजेतेपदाची हॅटट्रिक हुकली. २०१३ साली चेन्नई संघ पुन्हा फायनलमध्ये पोहोचला. पण यावेळी मुंबई इंडियन्सने फायनलमध्ये त्यांचा पराभव केला. मुंबईने चेन्नईचा २३ धावांनी पराभव करून पहिले विजेचेपद मिळवले. २०१४ साली पंजाब किंग्ज अंतिम फेरीत प्रथमच पोहोचले होते. त्यांची लढत कोलकाताविरुद्ध होती. अंतिम सामन्यात कोलकाताने ३ विकेटनी बाजी मारली आणि दुसऱ्यांदा विजेतेपद मिळवले. २०१५ मध्ये मुंबई आणि चेन्नई पुन्हा एकदा अंतिम फेरीत समोरा समोर आले. यावेळी देखील मुंबईने बाजी मारली त्यांनी चेन्नईचा ४१ धावांनी पराभव करत दुसऱ्यांदा चषक उंचावला. आयपीएलच्या २०१६ सालच्या हंगामात अंतिम लढत सनरायजर्स हैदराबाद आणि रॉयल चॅलेंजर्स बेंगळुरू यांच्यात झाली. हैदराबादने ८ धावांनी विजय मिळवला. २०१७ मध्ये मुंबई इंडियन्सने रायझिंग पुणे सुपरजायट्ंसचा १ धावांनी पराभव करत तिसरे विजेतेपद मिळवले. २०१८ साली दोन वर्षाच्या बंदीनंतर परतलेल्या चेन्नई सुपर किंग्जने अंतिम फेरीत सनरायजर्स हैदराबादचा ८ विकेटनी पराभव केला आणि तिसरे विजेतेपद मिळवले. २०१९ च्या हंगामात स्पर्धेतील दोन यशस्वी संघ अंतिम फेरीत समोरा समोर आले. मुंबई आणि चेन्नई यांच्यात झालेल्या सनसनाटी सामन्यात मुंबईने १ धावाने विजय मिळवला. हे मुंबईचे चौथे जेतेपद ठरले. त्यानंतर २०२० मध्ये त्यांनी प्रथमच अंतिम फेरीत पोहोचलेल्या दिल्ली कॅपिटल्सचा ५ विकेटनी पराभव केला आणि विक्रमी पाचवे विजेतेपद मिळवले. आयपीएलचे आजपर्यंतचे विजेते २००८- राजस्थान रॉयल्स २००९- डेक्कन चार्जर्स २०१०- चेन्नई सुपर किंग्ज २०११- चेन्नई सुपर किंग्ज २०१२- कोलकाता नाइट रायडर्स २०१३- मुंबई इंडियन्स २०१४- कोलकाता नाइट रायडर्स २०१५- मुंबई इंडियन्स २०१६- सनरायजर्स हैदराबाद २०१७- मुंबई इंडियन्स २०१८- चेन्नई सुपर किंग्ज २०१९- मुंबई इंडियन्स २०२०- मुंबई इंडियन्स

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/31Sfo86