मुंबई : सनरायझर्स हैदराबादचा प्रशिक्षक आणि भारताच माजी क्रिकेटपटू व्ही.व्ही.एस. लक्ष्मण यावेळी आपल्या संघातील खेळाडूंवर भडकल्याचे पाहायला मिळाले आहे. कारण लक्ष्मणने यावेळी आपल्याच संघातील फलंदाजांचे कान टोचले आहेत. कारण आतापर्यंतच्या तिन्ही सामन्यांत हैदराबादला विजय मिळवता आलेला नाही. त्यामुळे लक्ष्मण यावेळी चांगलाच भडकलेला पाहायला मिळाला. लक्ष्मण म्हणाला की, " ट्वेन्टी-२० क्रिकेटमध्ये कमीत कमी चेंडू निर्धाव कसे जातील, याकडे पाहायला हवे. यासाठी प्रत्येक फलंदाजाने स्ट्राइक रोटेट करायला हवी. हा खेळाचा एक महत्वाचा भाग आहे. पण आमच्या संघाचे दुर्भाग्य आहे की, आमच्या फलंदाजांना ही गोष्ट आतापर्यंत करता आलेली नाही. खासकरून जेव्हा फिरकीपटू गोलंदाजी करत असतात तेव्हा हे महत्वाचं ठरतं. कारण प्रत्येक चेंडूवर तुम्ही चौकार आणि षटकार मारु शकत नाही, याचा विचारही फलंदाजांनी यावेळी करायला हवा." लक्ष्मण पुढे म्हणाला की, " जर हैदराबादला सामने जिंकायचे असतील त्यांच्यासाठी फलंदाजी ही गोष्ट महत्वाची ठरेल. कारण तुम्ही किती मोठी धावसंख्या उभारता हे, महत्वाचे असते. त्यासाठी पॉवर-प्लेमध्ये तुमच्याकडून कशी फटकेबाजी होते, हे पाहणे महत्वाचे आहे. पॉवर-प्लेचा जेवढा फायदा उचलता येईल, तेवढा उचलायला हवा. माझ्यामते डेव्हिड वॉर्नर आणि जॉनी बेअरस्टो यांनी पॉवर-प्लेमध्ये धडेकाबाज फलंदाजी करायला हवी. पॉवर-प्लेमध्ये जर मोठी धावसंख्या उभारली गेली तर नक्कीच त्याचा फायदा संघाला होऊ शकतो." लक्ष्मणने पुढे सांगितले की, " फलंदाजांना जर मोठे फटके मारणं कठिण जात असेल तर त्यांनी एकेरी-दुहेरी धावांवरही भर द्यायला हवा. कारण त्यामुळेही धावसंख्या वाढू शकते. त्याचबरोबर एखादा वाईट चेंडू आला तर त्याचाही समाचार घ्यायला हवा. माझ्यामते जो फलंदाज स्थिरस्थावर झालेला आहे त्याने शेवटपर्यंत फलंदाजीवर राहायला हवं. कारण तो स्थिरस्थावर झालेला असतो आणि खेळपट्टी व गोलंदाजांबाबत त्याला चांगली माहिती असते. कधी कधी चेंडू थांबूनही येतात किंवा कमी वेगाने येतात, अशा चेंडूवर फटकेबाजी करणं सोपं नसतं. पण त्यावेळी बाकीचे पर्याय फलंदाजांकडे असतात आणि त्यांनी या गोष्टीचा वापर नक्कीच करायला हवा. त्यामुळे पुढच्या सामन्यांमध्ये आमची फलंदाजी कशी होते, हे महत्वाचं ठरणार आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3amieGT
No comments:
Post a Comment