Ads

Sunday, April 18, 2021

IPL 2021 : विराट कोहलीसाठी आजचा दिवस आहे खास, पाहा नेमकं काय घडलं...

मुंबई : आरसीबीचा कर्णधार विराट कोहलीसाठी आजचा दिवस खास आहे. कारण या दिवसाबरोबर विराटचं एक अनोखं नातं आहे. पाहा या दिवशी नेमकं काय घडलं होतं... आतापासून बरोबर १३ वर्षांपूर्वी आजच्याच दिवशी विराट आयपीएलमध्ये पहिल्यांदा खेळायला उतरला होता. १८ एप्रिल २००८ साली विराटने आयपीएलमध्ये पदार्पण केले होते. त्यानंतर गेल्या १३ वर्षांपासून विराट हा आयपीएलध्ये धडाकेबाज फलंदाजी करत असल्याचे पाहायला मिळत आहे. सध्याच्या घडीला विराटचा फॉर्म चांगला नसला तरी तो या आयपीएलमधील उर्वरीत सामन्यांमध्ये चांगली फलंदाजी करेल, अशी आशा त्याच्या चाहत्यांना आहे. आरसीबीचा आजचा सामना कोलकाता नाइट रायडर्सबरोबर आहे. या सामन्यात आरसीबीच्या संघाला २०४ धावा करता आल्या. पण विराटला यावेळी फक्त पाच धावांवर समाधान मानावे लागले. केकेआरविरुद्धच्या या सामन्यातील दुसऱ्याच षटकात विराट बाद झाला आणि आरसीबीला मोठा धक्का बसला होता. पण त्यानंतर ग्लेन मॅक्सवेल आणि ख्रिस मॉरिस यांनी धडाकेबाज फलंदाजी केली आणि त्यानी आरसीबीला दोनशे धावांचा टप्पा गाठून दिला. आता सामना जिंकून आरसीबीचे खेळाडू विराट कोहलीला खास भेट देणार का, याची उत्सुकताच चाहत्यांना असेल. आजच्या सामन्यात मॅक्सवेलने केकेआरच्या गोलंदाजांची पहिल्या चेंडूपासून धुलाई सुरू केली. त्याने फक्त २८ चेंडूत अर्धशतक झळकावले. दुसऱ्या बाजूला सलामीवीर देवदत्त पडिक्कल त्याला साथ देत होता. या जोडी संघाला १००च्या जवळ पोहोचवले आणि देवदत्त २५ वर बाद झाला. देवदत्तच्या जागी एबी डिव्हीलियर्स मैदानात आला. मॅक्सवेल आणि एबी जोडीने पुन्हा एकदा गोलंदाजांचा समाचार घेतला. १७व्या षटकात मॅक्सवेल ७८ धावांवर बाद झाला. त्याने ४९ चेंडूत ३ षटकार आणि ९ चौकार मारले. मॅक्सवेल बाद झाल्यानंतर एबीकडून चौकार आणि षटकार मारण्याचे थांबले नाहीत. त्याने मॅक्सवेलला मागे टाकत २७ चेंडूत अर्धशतक पूर्ण केले. एबीने ३४ चेंडूत ३ षटकार आणि ९ चौकारांसह नाबाद ७६ धावा केल्या.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3mYyDGT

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...