मुंबई : चेन्नईचा कर्णधार महेंद्रसिंग धोनी आजच्या सामन्यासाठी मैदानात उतरल्यावर त्याच्या नावर एक इतिहास लिहीला जाणार आहे. कारण धोनीसारखी ही गोष्ट आतापर्यंत एकाही खेळाडूला आयपीएलमध्ये करता आलेली नाही. आज चेन्नई आणि राजस्थआन रॉयल्स यांच्यामध्ये सामना होणार आहे. हा धोनीचा आयपीएलमधील कर्णधार म्हणून २००वा सामना असणार आहे. गेल्या सामन्यात धोनीने एक खेळाडू म्हणून आपला २००वा सामना पूर्ण केला होता. पण एक कर्णधार म्हणून आज त्याचा २००वा सामना असेल. कारण आतापर्यंत धोनीने १९९ सामन्यांमध्ये नेतृत्व केले आहे. यामधील एका सामन्यात सुरेश रैनाने नेतृत्व केले होते. त्यामुळे चेन्नईकडून आज धोनी हा एक कर्णधार म्हणून आपला २००वा सामना खेळणार आहे. आज आयपीएलमध्ये आपल्याला चेन्नई सुपर किंग्ज आणि राजस्थान रॉयल्स यांच्यातील लढत पाहायला मिळणार आहे. दोन्ही संघांनी दोन पैकी एक लढतीत विजय तर एकामध्ये पराभव स्विकारला आहे. गुणतक्त्यात राजस्थान पाचव्या तर चेन्नई चौथ्या स्थानावर आहे. राजस्थान रॉयल्सने गेल्या सामन्यात दिल्ली कॅपिटल्सचा पराभव केला होता. तर त्याआधी पंजाब किंग्जने त्यांच्यावर विजय मिळवला होता. दिल्लीविरुद्धच्या सामन्यात राजस्थानची आघाडीची फलंदाजी कोसळली होती. पण जखमी बेन स्टोक्सच्या जागी संघात स्थान मिळालेल्या डेव्हिड मिलान आणि आयपीएलमधील सर्वात महाग खेळाडू ख्रिस मॉरिसच्या शानदार कामगिरीमुळे त्यांनी विजय मिळवला. दिल्लीविरुद्ध राजस्थानची अवस्था पाच बाद ४२ अशी होती. त्यानंतर मिलरने डाव सावरला होता. मिलरने ४३ चेंडूत ६२ धावा केल्या होत्या. त्यानंतर मॉरिसने १८ चेंडूत चार षटकार मारत नाबाद ३६ धावा केल्या आणि तीन विकेटनी विजय मिळवला. आजचा सामना राजस्थान रॉयल्ससाठी महत्वाचा असू शकतो. आज चेन्नई विरुद्ध होणाऱ्या लढतीत कर्णधार संजू सॅमसन संघात एक बदल करू शकतो. मनन व्होराच्या जागी यशस्वी जयसवाल याला संधी दिली जाऊ शकते. उर्वरित संघात बदल होण्याची शक्यता नाही. गोलंदाजीत चेतन सकारियाने चांगली कामगिरी केली आहे. मुस्तफिजुर आणि जयदेव उनाडकट यांनी गेल्या सामन्यात चांगली गोलंदाजी केली. या शिवाय शिवम दुबे, रियान पराग आणि राहुल तेवतिया हे पर्याय देखील संजूकडे आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3n1z9na
No comments:
Post a Comment